CENTRAL VISAYAS RDC CHAIR AUMENTADO NANGULO SA RDC FULL COUNCIL MEETING SA KAPITOLYO

Malampuson nga gipahigayon sa Regional Development Council (RDC), Central Visayas Region ang Full Council Meeting, Disyembre 7, didto sa kapitolyo, Ceremonial Hall, dakbayan sa Tagbilaran.

Gipanguluhan sa Gobernador sa Bohol Aris Aumentado ang maong tigom, diin, kini mao ang ikaupat nga quarter meeting ning tuig 2023.

Si Tagbilaran City Mayor Jane Yap nihatag sa iyang mensahe sa pag-abiabi sa tanang nitambong sa kalihukan.

Tugbang sa maong mensahe ang pamulong sa RDC Chair.

Gipasalamatan ni Aumentado ang kinatibuk-an sa RDC gumikan sa mahinungdanong papel niini pagmintinar sa maayo nga lakaw sa ekonomiya sa Rehiyon ubos sa pagsuporta sa National Economic and Development Authority (NEDA).

Nahisgutan ang nakalabay nga pag-aprobar sa Central Visayas Regional Development Plans( CVRDP) para sa tuig 2023-2028. Gipalig-on ang maong CVRDP pinaagi sa pagpahigayon og usa ka Provincial Roadshow, diin malampuson kini nga gipahigayon didto sa Bohol Cultural Center, apas sumpay sa full council meeting.

Samtang sa laing bahin, si Dir. Ron Mateo sa National Anti-Poverty Commission (NAPC), namahayag sa iyang suporta sa Localization of Magna Carta of the Poor, kinsa niingon nga ang pagpakunhod sa kapobrehon dili lang usa ka damgo, usa kini ka hiniusang responsibilidad.

Si Atty. John Titus Vistal sa Bohol-PPDC nihatag og mubo nga taho bahin sa pinakauwahi nga lakaw ni Aumentado, didto sa Dubai alang sa Local Climate Action Summit for the Conference of Parties (COP28).

Sentro usab sa presentasyon ni Vistal ang pag-ila sa Bohol Island isip UNESCO Global Geopark.

Unang hugna nga gipailawm sa Presiding Officer alang sa diskusyon ug pag-aprobar mao ang giduso nga rekomendasyon ni Argeo Melisimo kinsa Chairman sa Development Administration Committee (DAC), nga ang pondo sa TRIP/ROLL IT 2.0 LET'S EAT Program nga sa DOT ug DTI ipahimutang samtang ang implementasyon sa proyekto sama sa konstruksyon ug rehabilitasyon niini ipahigayon sa DPWH.

Giaprobahan kini sa RDC uban ang laing giduso ni Melisimo bahin sa, "Volunteerism as a Development Strategy in Central Visayas."

Ang Chairperson sa Economic Development Committee(EDC) nga si Melanie Ng, niduso sa mosyon alang sa 7 ka mga resolusyon ug naaprobahan kini: 1)ang pag-endorso sa Pang-agraryong tulay para sa Bagong Bayanihan ng mga Magsasaka(PBBM) Bridges Program in the RDIP 2023-2028 ngadto sa NEDA BOARD Investment Coordination Committee( ICC), ug paghiapil sa PBBM Bridges ngadto sa Central Visayas Regional Development Investment Program(CV-RDIP).

Bahin kini sa konstruksyon sa 350 ka modular nga Steel Bridges, alang sa 78 ka probinsya sa nasod, budget nga 28.24B.

Sa Central Visayas, ang Bohol adunay 12 ka steel bridges, Cebu 5 ug Negros adunay 5.

2)Suporta ngadto sa DENR Senate Budget Deliberation Statement, pagsubay sa Reclamation Projects tibuok nasod.

3)Adoption of the PalengQR Ph Plus Program by LGUs,

4)E- ticketing and Cashless Transactions in Central Visayas Ports,

5)Enforcement of Prohibited Activities in Protected Areas,

6)Support for Digital Cadastral Database( DCDB) - Cleansing and Rapid Land Tenure Appraisal (RLTA)

7)Philippine Fiber Industry Development Authority ( PhilFIDA) isip Additional Member sa CVRDC-Economic Development Committee.

Sa rekomendasyon ni Ng gihatagan og pasidungog ang Cebu Province, bahin sa ilang pag-establisar sa Local Price Coordinating Councils(LPCCs), 6 ka LGU sa Central Visayas District sa aktibo nga implementasyon sa Tree Parks and Communal Forests ug Tagbilaran City sa ilang talagsaon nga mga kahimuan.

Sa Komitiba sa Imprastraktura tulo ang giduso nga mao ang pagsuporta bahin sa pagmugna og Department of Water Resources (DWR) ug Water Regulatory Commission (WRC), ang pagbutang og funding option para sa Panglao-Tagbilaran City Offshore Bridge Connector Project pinaagi sa official development assistance (oda) funds, ug ang formulation of the Regional ICT Roadmap for 2024-2028 diin naaprobahan kining tanan.

Ang Chairperson sa Social Development Committee (SDC), nga si Profetiza Lim, giduso ang 5 ka kalamboang sosyal; ang Localization of Magna Carta of the Poor, Strengthening of Local School Boards, Permanente nga Housing Projects alang sa Typhoon Odette Reconstruction Efforts sa Cebu, mga hilisgutan bahin sa DOH HFEP ug NHA Funded Projects, ug Creation of Plantilla for GAD Positions, diin tanan niini, aprobado.

Gipanguluhan ni RD Jennifer Bretaña ang pagpasalamat ngadto sa Bohol sa pagdumala sa fourth full council meeting ug ang Negros sa nakalabay nga tigom.

Kauban sa Gobernador, si RD Bretaña ug Yap pagpasidungog sa tulo ka mga regional awardees sa Search for Outstanding Volunteers 2023.

Si Therese Erlyn Napuli, mao ang napili sa Individual Youth samtang si Manlalaban Rester John Nonato ang sa Adult ug ang Bayawan City Chaplaincy and Faith Community Federation, Inc. ang napili sa Non Profit Org. Category.ALT