Nitambong si Gobernador Aris Aumentado sa gipahigayon nga ceremonial turn-over sa mga proyekto sa barangay Owac, lungsod sa Bilar, na pwede na kapahimuslan sa katawhan.
Kauban sa Gobernador sa maong kalihukan si Congresswoman Alexie Tutor ug Mayor Norman Palacio, pagturn-over sa nakompleto na nga barangay hall.
Si Gobernador Aris Aumentado, nipasabot nga ang pondo sa Kagamhanang Probinsyal limitado ug 1,109 ka mga barangya ang giatiman niini, apan bisan pa man niana ang Governor's Office nihatag og financial assistance alang sa barangay kantidad P200k pagkompleto sa maong barangay hall.
Ang ubang proyekto nga giturn-over mao ang Stage and Bleachers gikan sa LGU-Bilar.
Ang Covered Court sa barangay Owac gikan sa pagpahigayon ni Kongresista Alexie Tutor sa Tersero Distrito pinaagi sa DPWH.
Si Alexie namahayag nga kaniadto iyang gisaad ang maong covered alang sa maong barangay ug gituman niya kini.
Ang barangay kapitan nga si Samuel Uyamot nagpadangat og mensahe sa pasalamat sa mga butang nga nadawat sa ilang barangay.
Giawhag sa Gobernador ang katawhan sa Bilar nga ampingan ang ilang mga kabtangan aron mapahimuslan nila kini sa daghang mga katuigan. ALT
No comments:
Post a Comment