Duha ka balay ang giturn-over kagahapong adlawa, Nobyembre 22, didto sa lungsod sa Catigbian pinanguluhan ni Gobernador Aris Aumentado, BPPO Provincial Director PCol Lorenzo Batuan, ug Catigbian Mayor Elizabeth Mandin-Pace.
Ang maong mga balay, bunga sa programa nga Libre Alagad Ug Balay (LAB) sa Bohol Police Provincial Office (BPPO).
Si Mateo ug Nita Calapuan, mao ang benepisyaryo sa balay nga anaa nahimutang sa barangay Mahayag Norte, Catigbian.
Gihimo ang seremonyas sa pagtugyan niini pinaagi sa pagpahigayon ni Gobernador Aris Aumentado, PCol Lorenzo Batuan, Mayor Elizabeth Mandin-Pace, PLTCOL Norman Nuez Chief PCADU/PPIO nga girepresentahan ni PMAJ Andie Corpus ug ni PCPT Jefrin Eulogio COP Catigbian MPS.
Wala nag-usik og higayon ang koponan ug nideritso kini sa barangay Maitum kansang mga benepisyaryo sa LAB mao sila si Ariel ug Arlyn.
Si Kapitan Virgilio Lanoy nga kapitan sa barangay Maitum, nihatag sa mensahe sa pag-abiabi. Si Lanoy nisugilanan nga ang pagbisita sa Gobernador ngadto sa usa ka haya sa namatay nga matud pa usa ka npa, mao ang hinungdan nga nahimong benepisyaryo si Ariel sa LAB, kay sa paglabay sa Gobernador, nakit-an niini ang gamay ug guba nga balay ni Ariel.
Gikuhaan dayon kini sa Gobernador og hulagway ug giduso ngadto sa BPPO kung mupasar ba kini sa kriterya sa programa nga LAB.
Si PMAJ Andie Corpus natahasan sa Statement of Purpose, ug namahayag nga ang serbisyo sa tinooray ug pagtinabangay dili mahikalimtan sa komunidad.
Ang Chief of Police nga si PCPT Jefrin Eulogio, nga nakatutok sa pagpatukod sa maong mga balay, nipasalamat, sa iyang mga katimbang sa konstruksyon nga mao ang Bureau of Fire Protection pinanguluhan ni SFO4 Lowell Lumbab, ang mga barangay opisyales, ang Phil. Army nga nakadestino sa lungsod ug mga indibidwal nga nitabang sa pinansyal sama kanila ni Congresswoman Vanvan, Gobernador Aris, mg negosyante, ug uban pa nga stakeholders.
Gipahibalo ni PCol Batuan nga pagsugod nila sa LAB wala sila'y pondo busa niduol ang Provincial Director ngadto sa Kongresista sa Segundo Distrito nga si Vanvan Aumentado.
Kahinumduman nga ang kongresista uban sa Gobernador, nihatag sa BPPO og pinansyal na tabang gikan sa ilang mga personal na pondo nga nakapahuman og tulo ka balay diin ang benepisyaryo usa sa matag distrito.
Kasamtangan nga napulo na ka balay ang napahimuslan sa mga benepisyaryo ug ang sa barangay Maitum nagkantidad og P126,000.
Ang mayora sa Catigbian, namahayag nga pinasikad sa eksperyensya iyang nabati ang matuod nga Aris Aumentado.
"Tungod kay di mi kauban og grupo, dapat iya kung dumtan kay wa ko makatampo sa iyang kadaogan." Dugang ni Mandin nga wala magtan-aw ang Gobernador sa pagserbisyo kung kaalyado ba o dili ang tabangan. Sa tanan niini nga hangyo, ang Gobernador walay gibalibaran. Giawhag sa mayor ang tanan nga maghiusa ug magtinabangay.
Giawhag usab niini ang mga anaa sa pikas nga grupo pagpaminaw kay matod pa niini, dili gyod mapilde ang Gobyerno.
Samtang sa laing bahin, si Gobernador Aris Aumentado, nipasabot sa mga barangay opisyales nga dili maayo mamulitika sa panerbisyo, ug kung gusto magpapili pagbalik angayan nga muserbisyo sa kinatibuk- an. " Kining politika is always a vision".
Matud pa, iyang nakita nga ang bisyo ni Mandin mao ang bisyo sa pagserbisyo sa katawhan busa angayan kini nga suportahan.
Si Gobernador Aris namahayag sa mga anaa pa sa pikas nga baruganan, paghinumdum nga andam ang Gobyerno mudawat kanila ug maminaw kung unsang hinungdan ngano nga anaa sila sa piks nga grupo.
Si Aumentado naila sa iyang tinud-anay nga serbisyo diin unahon sa kanunay ang Bol-anon.
Desidido kini sa padayon nga pagkumbinsir nga mamalik sa sabakan sa Gobyerno ang nahibiling Bol-anon nga anaa sa walhon nga grupo.ALT
No comments:
Post a Comment