Nagkantidad og P8,359,460. nga mga abag sa panginabuhi alang sa mga mananagat ang giturn-over ni Gobernador Aris Aumentado ngadto sa mga mananagat atol sa ceremonial turn-over nga gihimo sa Ubay gymnasium Nobyembre 14.
Lakip sa mga kahimanan nga gitunol sa gobernador mao ang gamit sa panagat, bangus fish cage nga dunay payag nga nipa, similya sa seaweeds ug 100 ka mga fabricated fiberglass pump boats.
Mokabat sa 31 ka mga motorized fiberglass nga bangka ang una na nga giturn-over sa gobernador aron mapuslan na bisag wala pa mahatag ang tanan.
Onse niini gidawat sa Ubay samtang ang 20 ka buok gihatag didto sa Bien Unido.
Tumong ni Aumentado nga ang mga membro sa rehistradong people's organization sa mga mananagat, sa Talibon, Bien Unido, Carlos P. Garcia, Calape, Buenavista, Getafe, Mabini, Inabanga, Dauis, Panglao, Tubigon, Garcia Hernandez, Tagbilaran, Loon, ug Ubay maabagan sa ilang panginabuhi.
Matod pa nga tabang kini para sa mga naglisod nga mananagat nga naapektuhan sa nakalabay nga pandemia ug bagyong Odette.
Malaumon ang gobernador nga kining maong lakang makatampo sa pagpakunhod sa presyo sa isda.
Pinaagi niini makahatag usab og seguridad sa pagkaon dili lang para sa mga benepisyaryo apan lakip usab ang ilang komunidad.
Kauban sa maong mga seremonyas si Ubay Mayor Constantino Reyes, MAO Marianito Doydora ug ang representante sa provincial fishery officer nga si Epifanio Gultia Jr.
Ang Office of the Provincial Agriculturist mao ang nagdumala sa maong programa.ALT
No comments:
Post a Comment