Malampuson nga nihural ang mga barangay opisyales sa 44 ka mga barangay sa Munisipalidad sa Ubay, pinaagi sa usa ka Mass Oath-Taking Ceremony.
Gilangkob kini sa tanang napili nga mga Kapitanes, ug Barangay Kagawads.
Gipahigayon kini Nobyembre 13, 2023 didto sa Ramon Magsaysay Gymnasium, Ubay.
Si Gobernador Aris Aumentado mao ang inducting officer niini.
Sa iyang mga mensahe, mabati ang seryoso nga krusada pagpatunhay sa usa ka tinud-anay, kinasingkasing ug limpyo nga gobyerno.
Kauban sa Gobernador si Mayor Constantino Reyes, Vice Mayor Victor Bonghanoy, mga SB members, mga Department Heads ug ang representante sa DILG.
Samtang sa laing bahin, niadto usab si Aumentado sa Munisipalidad sa Calape, aron sa pagpapanumpa sa mga Sangguniang Kabataan Chairmen ug ilang mga SK Kagawads.
Sa 33 ka mga barangay sa Calape, 14 ka SK Chairman ang nihural atubangan sa Gobernador kauban ang ilang mga SK kagawads.
Gitambongan ni Mayor. Julius Caesar Herrera ang kalihukan kauban si SB Roldan Damalerio, SB Teodoro Ruizol ug SB Maria Desiree Zulueta.
Matud pa nga adlaw'ng Domingo ang maong kalihukan gumikan adunay klase ang mga batan-on sa mga oras tingtrabaho.
Ugmang adlawa ipahigayon usab ang seremonyas sa panumpa sa 8 ka mga barangay kapitan ug mga barangay kagawads sa 33 ka mga barangay.ALT/ PIMO
No comments:
Post a Comment