Sa kadugay’ng gipaningkamotan sa BOPEL (Bohol Provincial League of Employees) nga matuman ang ilang mga tinguha sa pag-angkon ug igong luna nga kapuy-an alang sa 967 ka mga lehitimong empleyado’ng nagkinahanglan sa disenteng balay, ang kapunungan nakakuha sa suporta ni Gobernador Aris Aumentado atol sa ilang “Meet and Greet” niini Septyembre 2, 2022 didto mismo sa Capitol building.
Nabati sa makamasang gobernador ang kahimtang sa mga empleyado nga dugay na sa serbisyo apan hangtod karon nangabang ug kapuy-an, busa tungod niini, ang kanhiay’ng hangyo sa BOPEL ngadto sa mga milabay nga administrasyon alang sa 40 sq. meters housing area , karon buot ni Gob. Aris nga himoong 100 sg. meters kini aron ang matag usa makabaton sa desenteng pinuy-anan.
Milanog ang palakpakan gikan sa mga empleyado isip pag-ekspresar sa dako nilang pagpasalamat nga sa administrasyon sa gobernador nakaangkon ug kasiguruhan ang ilang dugay na nga tinguha. Dugang pa niini, gihisgutan usab ang pamaagi unsaun nga matukuran gayod kini sa mga balay apil na niini ang pinasyal nga mga kaakuhaun alang sa kagastuhan.
Seryoso nga gipaminaw sa gobernador ang pagpasabot sa BOPEL President nga si Susan M. Datahan sa tanang mga issues and concerns sa mga empleyado bahin sa pag-angkon ug building alang sa canteen, clinic, access para sa GAD budget, healthcard, health related concerns ug uban pa.
Tubag sa gobernador nga “no objections” siya sa mga hangyo sa kapunungan tungod kay apil sa iyang 15 point “Legistative Agenda” ang mga panglantaw alang sa mga kapunungan. Gikinahanglan lamang nga muagi sa ensaktong proseso ang tanan aron kini dili musukwahi sa tanang mga nalatid nga mga balaodnon.
Buot usab sa gobernador nga aduna gyod “stand by” nga ambulansya diha sa kapitolyo alang sa mga “urgent health needs” lakip na niini nga makabaton usab sa bag-o ug mas mayo nga healthcard ang kapunungan.
Sa pagkakaron ang BOPEL adunay 25 thousand ka mga lehitimong membro nga gilangkob sa mga Department Heads ug Casual Plantilla.
No comments:
Post a Comment