Gob. Aris Seryoso Pagpangandam alang sa mga Posibleng Kalamidad

 

“Ang kalamidad dili hibaw-an kalit nga muabot”, kini maoy gisulti ni Hon. Erico Aristotle “ Aris” C. Aumentado atol sa courtesy visit sa Office of the Civil Defense (OCD) Region 7 RD Dr. Marlou Salazar  kauban sa Provincial Disaster Risk Reduction Management Office (PDRRMO) pinaagi ni Dr. Anthony Damalerio Septyembre 08, 2022 didto sa CPG Hall aron hisgutan ang plano sa gobernador nga magbutang ug mga multipurpose buildings tagana panahon sa mga kalamidad.

 Target sa gobernador nga magbutang niini sa Jagna, Tubigon, Ubay ug Carmen isip warehouses aron mapangandaman nga  kung adunay problema sa transportasyon  dili dali muapektar sa katawhan kay adunay naka andam nga kahimanan ug pagkaon sulod sa warehouse. Mahimo usab kini nga himoong evacuation center. 

Dako ang tinguha sa gobernador nga ma establisar ang sustainable potable water. Apil sa plano ang pagbaton ug 3 ka speedboat nga fiber glass alang sa  tulo ka distrito ug usa ka sea ambulance aron adunay magamit dayon panahon sa panginahanglan.

Gisabutan nga ipahigayon ang DRRM training alang sa mga LDRRMO chief ug Local Chief Executives diin ipatuman ang “no absence, no proxy policy” aron masiguro ang hapsay nga padagan sa mga paagi pagresponde panahon sa kalamidad. 

Gihipno usab ang request alang sa C-130 airplane nga maoy magdala sa mga hinabang ngadto sa naapektuhan sa linog sa Northern Luzon. Mga panlantaw sa gobernador ang kaayuhan ug proteksyon sa tanang Bol -anon.