MGA MAYORES SA BOHOL MIAPELAR BAHIN SA SWAPPING POLICY SA KAPULISAN

Nagpahigayon sa dinaliang pagpatawag si Gobernador Aris sa tanang mayores sa lalawigang Bol-anon Marso 8, didto sa SP Session Hall, New Capitol, Tagbilaran City aron solusyonan ang importanteng agenda kabahin sa Order nga Swapping o Replacement sa pwersa sa kapulisan diin ang 375 nga mga taga Bohol nakatakda nga ipadala ngadto sa Negros Oriental. Kini mao ang gipahibalo ni PLT COL Norman L. Nuez sa Bohol Provincial Police Office (BPPO) sa maong miting.

Kusganon nga namahayag ang mga mayor sa nagkalain-laing lungsod nga muapelar sila sa gipakanaog nga order, gumikan kay ang kapulisan sa matag Lungsod kasamtangan nga nagapahigayon sa programa nga KASIMBAYANAN ug makaapekto ang maong polisiya sa dagan sa ilang tagsatagsa ka programa. Anaa usab ang Bohol sa kritikal nga sitwasyon karon gumikan sa ASF, busa nagkinahamglan kini sa serbisyo sa mga Bol-anong mga pulis kay kabisado na niini ang lugar sa Bohol.

Si Mayor William Jao sa Tubigon, mipahibaw nga ang 30 nila ka mga pulis dili gani igo sa pagpanalipod sa tibuok lungsod ug anaa pa ang Tubigon Port, nga gikinahanglan usab ang mga na trained na nila nga mga polis alang sa pagdumala sa ilang mga K9.

Si Mayor Arturo Piollo sa Lila, miawhag nga magbaton sila og usa ka common stand, busa mipasupot kini og usa ka motion pag apelar ngadto sa mga awtoridad bahin sa swapping policy. Pagdugang ni Atty. Piollo, ang pagbutang sa Negros Oriental Police sa Bohol pagkakaron dili makatabang sa gipalig-on na nga programa sa kampanya batok drugs sa probinsya kung kuhaon gikan kanila ang naandan nga mga police ug ihulip ang mga gikan sa Negros Oriental.

Ang maong motion gisegundahan en masse.

Si Gobernador Aris Aumentado mipadangat sa iyang mensahe ngadto kang Police Brigadier Gen. Jerry Beares, Director sa Police Regional Office, Central Visayas, bahin sa sentimento sa mga mayor sa Bohol.

Mahinumduman nga ang bag-ong DILG Secretary Benhur Abalos mipakanaog sa Replacement Oder sa kapulisan sa Bayawan City ug sa tibuok Negros Oriental.

Ang Deputy Chief Admin. Police Lieutenant Gen. Rhodel Sermonia gi deploy ngadto sa Negros Oriental aron mapahigayon ang maong order.

Subay niini 75 ka mga pulis sa Bayawan City ang nabalhin, samtang si Police Lieutenant Colonel Stephen Amamaguid gikan sa Cebu maoy mihulip kang Police Lieutenant Colonel Rex Aboy Moslares isip kanhi Chief of Police sa Bayawan City.

Inisyal nga pahibalo matod ni Nuez 1709 nga pulis gikan sa Negros Oriental ang ibahinbahin sa Region 7.