Si Gobernador Erico Aris Aumentado mitambong sa gipahigayon nga roll out sa BHOLDEX booth, nga anaa mahimutang sa Bohol-Panglao International Airport. Uban sa gobernador si Senior Board Member Tita Baja, Dive7 DOT Central Visayas ug Panglao Association of Dive Operators (PADO), Pebrero 17.
Sa pagkakaron, nakatutok ang gobernador pagpauswag sa turismo ug ekonomiya. Busa suportado sa gobernador ang PADO tungod kay dili lang nga mag-aghat kining maong diving industry og dugang mga turista, makatabang usab kini pagproteher sa mga dive sites sa probinsya.
Matod pa sa PADO President niini, Ivy Bulaybulay-King nga ang BHOLDEX Expo magaabri sa positioning bahin sa Advance Reservation System (ARS) pagmonitor sa mga dive sites ug makatabang maregulate ang Environmental User’s Fee. Maoy hinungdan nga gipangusgan sa PADO nga mabuhi pagbalik ang diving industry sa probinsya.
Subay niini ang PADO Founding Chairman nga si Holger Horn kauban sa Co-founder niini nga si Joseph Jasper Arcay mipromote sa umaabot nga Expo, taliwala sa gipahigayon nga Cebu Travel International Catalogue 2023 didto sa Ayala Center, Cebu City Pebrero 10, nga gipasiugdahan sa DIVE7 DOT Central Visayas.
Ang maong Bohol Loop Dive Expo pagasalmutan sa trese ka mga munisipalidad nga mao ang Panglao, Jagna,Duero, Anda, Lila, Talibon, Dimiao, Garcia Hernandez, Ubay, Valencia, Mabini, Guindulman ug Dauis. Magmabulukon ang maong aktibidad sa partisipasyon sa mga underwater photographers, professional divers, dive enthusiasts, mga dive tour operators uban sa ilang mga media connections ug social media influencers.
Sa Abril 14-18, ipahigayon ang Bohol Loop Dive Underwater Photo Competition. Anaa usab ang Free Dive Underwater Photo Competition, Abril 18-23. Ang booth Exhibit ug Media Eco-tour magsugod Abril 14, hangtod sa Abril 30. Busa giawhag sa PADO nga magparehistro na ang tanang interesado sa maong Dive Expo, sa www.bholdex.com.
Kining maong dako nga pagbugtaw alang sa Turismo bunga sa pagtambayayong sa Provincial Government of Bohol, DOT7 Central Visayas, Tourism Promotions Board ug Tagbilaran City LGU sa tema nga, Be Part of My World: Defying Limits Underwater Discoveries.
Pag-awhag ni Gobernador Aumentado, suportahan ang agenda sa Provincial Government bahin sa Turismo, suportahan ang Bohol Loop Dive Expo.
No comments:
Post a Comment