ANAA KANUNAY ANG IYANG BULAWANONG HANDUMANAN

Si Bohol Governor Aris Aumentado, mipadangat sa iyang mga pahasubo sa kalit nga pagtaliwan ni Gobernador Roel Ragay Degamo, human kini gipusil-patay sa kaugalingon niining propriedad sa barangay San Isidro, Sto. Nuebe, Pamplona, Negros Oriental. Alas 9:40 kadto sa buntag, adlawng Sabado, Marso 4, 2023.

Matod pa ni Mayor Fritz Diaz sa Siaton, Negros Oriental nga si gobernador Degamo nauna nang mipahibalo sa publiko nga matag adlawng Sabado, andam kini nga muatiman sa panginahanglan sa mga Negrosanon ug gitawag niya kining aong pagserbisyo nga “Peoples Day”. Ang iyang compound mao ang gihimo nga venue sa maong kalihukan.

Namahayag usab si Dauin Mayor Galic Truita nga nagkasabot sila uban sa gobernador nga magtapok adlawng Sabado alang sa usa ka meeting, pagpanghatag og financial assistance kantidad tres mil alang sa mga single mom diin ang pondo gikan kang Sen. Aimee Marcos, apan wala na kini makaadto dayon sa Pamplona gumikan sa mga panghitabo. Kauban sa gobernador niadtong adlawa ang iyang mga Department Heads.

Sumala sa mga napabalita, makita nga samtang ang gobernador anaa uban sa mga bisita nga mga 4Ps Beneficiary, kalit, adunay misulod nga dili muminus sa 6 ka armadong mga taw, nakasul-ob og mga pixelized uniform, sakay sa duha ka SUVs. Gipusil sa maong mga armadong taw ang gobernador sa makadaghan, pati na ang iyang mga body guards ug mga civilian. Sumala pa nga bisan kun natumba na ang gobernador ug nahandusay na apan gipusil pa gihapon kini diin ang maong mga bala miigo sa tuong bahin sa lawas sa gobernador, naigo ang kasingkasing niini nga maoy nakaingun sa iyang kamatayon. Alas 11:40 sa buntag gideklarar sa Negros Polymedic Hospital nga patay na si Gobernador Degamo.

Usa ka Regional Special Investigation Task Group ang kasamtangan nga mitutok sa maong kaso . Sumala sa Investigation-On-Case nga adunay tulo ka mga getaway vehicle nga, Mitsubishi Pajero plate No. NQZ 735, One Isuzu Pick up color green plate No.GRY 162 ug Mitsubishi Montero color black plate No. YAP 163 ang napalgan nga giabandonar didto sa barangay Kansumalig, Bayawan City, Negros Oriental.

Alas 4:20 sa hapon, sa mao gihapon nga adlaw, nasikop ang mga gituohang lambigit sa kamatayon sa gobernador nga sila si Joric Labrador Y Garido, 50 y.o. ex Army taga Cagayan de Oro City, Joben Aber Y Calibjo, 42, ex-Army taga Brgy. Robles, La Castellana, Negros Occidental ug Benjie Rodriguez Y Buladola, 45 taga Bonifacio, Misamis Occidental.

Sa ulahing mga balita, ala 7:30 sa kagabhion, bahin sa maong pagpamusil siyam ang patay, 13 anaa sa tambalanan ug 4 ang out patient.

Deaths:

1. Jessie Bot-ay Y Oreno 48 y.o. taga sitio Baybay, mansugamayon, Sta. Catalina nga financial assistance ang tuyo ngadto sa gobernador.

2. Kag. Jose Marie Ramirez Y Salma 41y.o. nagpuyo sa Sto. Ataata, Pamplona

3. Jerome Maquiling Y Cimatra 48 y.o.Canduay Dumaguete-Driver sa Convoy ni Gov.

4. Jomar Canseco Y Villanueva 33 y.o.Pob. Pamplona Lajar Negros Driver (NOPH)

5. Crispin Vallega Y Futalan 40 y.o. driver security

6. Roel Ragay Degamo-Provincial Governor

7. Quinikito, Florenda-Brgy. Captain at Brgy Fatima, Sta. Catalina

8. Retada, Joseph-Civilian

9. Fabugais, Michael-Civilian

Injured:

1.Fredilito Café-gunshot wound, civilian

2.Chyrell Garpen-gunshot wound, civilian

3.Corporal Gerald Malones-gunshot wound, Phil. Army (11th IB)

4.David Toryan Cortez-gunshot wound,media 96.1 Voice FM

5.Marlo Quilnet Y Mendanio-gunshot wound(sec. of Gov. degamo)

6.Rosa Banquerigo-civilian-gunshot wound

7.Vickmar Rayoso-gunshot wound with left foot, civilian

8.Mayben Jun Torremocha Y Cabildo-gunshot wound at mandible:fracture at right arm, civilian

9.Nikki Espinas-civilian

10.Pedro Flores-civilian-civilian

11.SGT. Edmar sayon-Phil. Army(11th IB)

12.Lestor Chris Arnold-civilian

13.Doctor Liland Estacion-Head Medical Doctor NOPH

Out Patient with minor Injuries:

1.Diomedes Omatang-civilian

2.Raymond Baro-civilian

3.Rodelio Ragay Quinikito-civilian

4.Nikko Torres Aavaren-civilian

source(PRO7-PIO)-PRO7, PNP SAF, PHIL. ARMY

Ang asawa sa gobernador nga si Pamplona mayor Janice Degamo ug ang ilang pamilya nanawagan sa president alang sa hustisya.

Si Pres. Bongbong Marcos mipagawas sa iyang warning ngadto sa mga suspetsado nga nag-ingun “You can run but you can’t hide. I condemn in the strongest possible terms of the assassination of the sitting governor, Gov. Roel Degamo of Negros Oriental. My government will not rest until we have brought the perpetrators of this dastardly and heinous crime to justice.”

Ang Bise President Sara Duterte, namahayag nga gikinahanglan susihon ang politikanhon nga kagubot sa Negros diin daghan ng nakalas nga kinabuhi gikan niini.

Samtang ang DILG Secretary Benhur Abalos dali nga miresponde paghatag direktiba ngadto sa PNP sa pagpahigayon og hot pursuit operations aron mas dali nga madakpan ang mga responsible sa maong krimen.

Ang DOJ, magahatag sa ganti nga 5milyon ni bisan kinsa nga makatug-an sa mastermind sa maong krimen ug sa mga may kalabutan niini.

Nagkadaghan ang mga opisyales sa kagamhanan nga mikondenar sa maong pag atake sa gobernador sama nila ni House Speaker Martin Romualdez, Senate Pres. Migz Zubiri, Harry Roque ug uban pa. Matod pa nga duha pa lang ka semana kapin human mideklarar ang Supreme Court ngadto sa Commission on Elections pagpagaws sa resolution nga nag-ila kang Degamo isip mao ang matuod nga mananaog sa milabay nga 2022 Negros Oriental Gubernatorial race. Aduna na’y bag-ong gobernador ang Negros Oriental human nanumpa ang bise Gobernador nga si Carlo Jorge Joan “Guido” Reyes atubangan ni DILG Secretary Benjamin Abalos Jr.

Si Mr. Ely Dejaresco sa BAI Radio Dumaguete, nagkanayon nga si Degamo nakatala sa talagsaon nga kasaysayan diin samtang nangatungdanan isip Board Member siya ang mihulip pagkagobernador sa dihang, mitaliwan ang kasamtangan nga gobernador niadtong panahona nga gipulihan sa bise gobernador apan ang maong bise gobernador nakabsan usab sa kinabuhi. Si Degamo mitaliwan sa edad nga 56.

Si Gobernador Aris, makusganon nga mikondenar sa nahitabo kang Degamo. Isip Regional Development Council (RDC) Chairman sa Central Visayas, matod sa gobernador, dako nga kahaw-angug kasubo sa RDC sa pagtaliwan ni Degamo.

REST IN PEACE GOV. ROEL RAGAY DEGAMO.