Unom ka buwan human gilusad niadtong Abril 11, ang pinakaunang D-League Governor's Cup sa lalawigan, malampuson nga gipahigayon ang katapusang hugna niini didto sa Bohol Cultural Center, Tagbilaran City, Oktubre 28.
Ang Governor's Cup diin gilangkob sa Open Division ug Juniors Division, gitapos sa indigay sa Top Ten Muses sa Miss Gov. Cup 2023.
Agi og pasiuna, adunay Governor's Cup Excellence Awards, ug Loyalty Awards nga gipahinungod ngadto sa pipila ka munisipalidad.
Gipasalamatan ni Gobernador Aris Aumentado, ang Provincial Youth Development Office ( PYDO), ang Local Government Affairs (LGA), GO- Special Projects Section ug ang uban pang mga hingtungdang buhatan, nga nalambigit niining talagsaon nga kalihukan uban sa mga pagdasig nga "see you sa season 2 next year."
Gipasidunggan ang mga munisipalidad pinaagi sa paghatag sa mga Governor's Cup Testimonial of Appreciation, agi og pag- ila sa kadako sa kontribusyon sa mga LGUs sa maong kalampusan.
Kining maong Governor's Cup Season 1 giisip sa uban nga kabahin sa kasaysayan sa Bohol.
Ang Tagbilaran City Mayor Jane Yap nihatag og mensahe, uban ang pasalig nga kung unsa ang suporta nga gipakita sa dakbayan ning tuiga, doblehon pa nila kini sa sunod tuig, para sa kalamboan sa syudad ug sa Kagamhanang Probinsyal.
Si Talibon Mayor Janet Garcia bisan anibersaryo uban sa iyang kapikas sa kinabuhi, apan giuna ang maong kalihukan.
Ingon niini kabilihon alang sa mga munisipalidad ang maong Season 1 Basketball Tournament.
Ang mga mananaog sa D-League Gov. Cup 2023 sa Open Division uban sa ilang mga premyo mao kining musunod:
CHAMPION-Talibon
✅P500k Cash/P5M worth of PGBH Projects
2ND PLACER-Tagbilaran
✅P300K Cash/P3M worth of PGBH Projects
3RD PLACER-Bien Unido
✅P150K Cash/P2M worth of PGBH Projects
4TH PLACER-Mabini
✅P50K Cash/ P1M worth of PGBH Projects
Governor's Excellence Award SEASON 2023 MVP-Tagbilaran
Governor's Excellence Award 2023 FINALS MVP-Talibon
Coach of the Season Award- Talibon
MYTHICAL FIVE-Bien Unido, Tagbilaran, Tagbilaran, Talibon, Talibon
Sportsmanship Award-Talibon
Samtang sa laing bahin mao usab kini ang resulta sa Juniors Division uban sa ilang mga premyo:
CHAMPION-Tagbilaran
✅P250k Cash/P5M worth of PGBH Projects
2ND PLACER-Jagna
✅P150K Cash/P3M worth of PGBH Projects
3RD PLACER-Tubigon
✅P75K Cash/P2M worth of PGBH Projects
4TH PLACER-Dauis
✅P25K Cash/ P1M worth of PGBH Projects
Governor's Excellence Award SEASON 2023 MVP-Jagna
Governor's Excellence Award 2023 FINALS MVP-Tagbilaran
Coach of the Season Award- Jagna
MYTHICAL FIVE-Dauis, Tagbilaran, Jagna, Tubigon, Tagbilaran
Sportsmanship Award-Jagna
Laing kulbahinam nga hugna sa maong okasyon ang pagsuta kung kinsa ang mubarog nga pinakamaanyag niadtong maong kagabhion.
Gipadangat sa Gobernador ang mainitong pahalipay sa tanan nga nisalmot sa Miss Gov. Cup ug sa tanan nga mga mananaog nga mao kini:
Miss Gov. Cup 2023 Mary Love Lopez-Tagbilaran
1st Runner-up Ryanne Marielle Tan- Tubigon
2nd Runner-up Rica Lofranco- Buenavista
Best in Fantasy Wear- Tubigon
Best in Fun Wear-Tagbilaran
Best in Production Number-Dimiao
Si Congresswoman Ma. Vanessa Aumentado nga representante sa Segundo Distrito, nga kanhi beauty titlist usab, gihatag ang iyang tibuok nga suporta sa indigay sa mga maanyag ug sa torneyo.
Ang maong kalihukan, gitumbok nga himoong malungtaron pinaagi sa pag-institutionalize niini ug pag-obliga nga ang tanang magdudula mupailalom sa drug test.
Subay sa development agenda sa administrasyon, pangusgan ang pagpahigayon sa Season 2 niini sa sunod tuig.
Gitapos ang selebrasyon nga balon sa tanang nisaksi ang sanglitanan nga bisan unsa kalisod sa buluhaton ang kalampusan anaa sa pagtinabangay.ALT/PIMO
No comments:
Post a Comment