Nanumpa sa katungdanan ang 247 ka mga opisyales sa upat ka lungsod sa unang distrito atubangan kang Gobernador Aris Aumentado, Bise Gobernador Dionisio Victor Balite ug Bokal Lucille Lagunay.
Gihimo ang seremonyas niadtong Nobyembre 9 sa Ceremonial Hall, New Capitol Building ning dakbayan sa Tagbilaran.
Kuyog sa mga kapitan sa Antequera, Loon, Cortes ug Sikatuna ang ilang mga barangay kagawad ug Sangguniang Kabataan chairman.
Sa iyang pakigpulong sa mga nanumpa, gipasabot ni Aumentado kon unsa ang direksyon sa administrasyong Aumentado-Balite nga “Limpyong Gobyerno ug Bol-anon Una sa Serbisyo”.
Dugang pa sa gobernador, ang iyang liderato alang sa kinatibuk-an ug alagaran ang tanan sa walay pagtan-aw sa bulok pulitika.
Saksi sa maong seremonyas lakip ang 124 ka mga opisyales gikan sa Loon, 26 sa Sikatuna, 52 sa Cortes ug 45 sa Antequera.ALT/ PIMO
No comments:
Post a Comment