BARANGAY OPISYALES SA 4 KA LUNGSOD NIHURAL ATUBANGAN SA GOBERNADOR

Nihural atubangan ni Gobernador Aris Aumentado ang mga barangay opisyales gikan sa Segundo Distrito, Nobyembre 9, 2023, didto mismo sa iyang buhatan sa Kapitolyo, Dakbayan sa Tagbilaran.

Ang Lungsod sa Dagohoy nga adunay 15 ka mga barangay, onse ka mga kapitan niini gipili nga adto manumpa sa Kapitolyo uban ni Kongresista Vanvan Aumentado ug Gobernador Aris Aumentdo.

Ang onse ka mga Sangguniang Kabataan Chairman niini nikuyog sa maong solemno nga kalihukan.

Kinse ka barangay kapitan sa Talibon ug unom sa San Miguel ang nipahigayon usab sa ilang Panumpa sa Katungdanan didto sa buhatan sa Gobernador.

Samtang sa laing bahin, 59 ka mga barangay opisyales sa Lungsod sa Batuan sa Tersero Distrito, nga gilangkob sa mga barangay kagawad ug Sangguniang Kabataan ang nihural didto sa Gobernador pinanguluhan sa ilang unom ka Kapitan.

Taliwala sa mga paghural, gipahinumduman ni Aumentado ang mga bag- ong napili nga mga barangay opisyales sa matinud-anon nga pagserbisyo sa katawhang Bol-anon.

Kahinumduman nga nianang buntag sa parehong adlaw, ang mga barangay opisyales sa upat ka lungsod sa unang distrito, nga mao ang Antequera, Loon, Cortes ug Sikatuna, nauna nang nanumpa didto sa Ceremonial Hall, New Capitol Building ingon nga timaan sa pagsuporta sa direksyon sa Aumentado- Balite nga administrasyon.ALT/ PIMO