Upat ka Munisipalidad sa Segundo Distrito ang gibisita ni Gobernador Aris Aumentado, niadtong Nobyembre 10, 2023 nga mao ang Bien Unido, Trinidad, Dagohoy ug Inabanga.
Kini, isip tubag sa hangyo sa mga hingtungdan nga mga Kapitanes, Kagawads ug Sangguniang Kabataan Chairman, nga dumalahon sa Gobernador ang ilang mass oath-taking ceremony.
Unang giadto ni Aumentado ang Munisipalidad sa Bien Unido, didto sa Atty. Felix T. Garcia Memorial Gymnasium.
Giabi-abi ni Mayor Rene Borenaga, Vice Mayor Renato "Ods" Hoylar, mga Sangguniang Members ug ABC President Tito Rey Marimon ang Gobernador.
Si Mayor Borinaga nagkanayon nga parehas ang tumong sa matag-usa, nga mao ang pagserbisyo sa katawhan ug pagpalambo sa barangay.
Gidasig sa Gobernador ang tanan nga tinud-on ang pagserbisyo ug dili magduhaduha pagduol kaniya kung aduna'y mga problema sa ila unya nga pag-alagad sa katawhan.
Tanang kinse ka mga barangay ang nisalmot sa maong panumpa nga gilangkob sa mga kapitan, kagawads ug SK Chairman.
Matud ni ABC Pres. Tito Rey Marimon nga nagkahiusa ang mga membro sa Liga ng mga Barangay pagsuporta sa administrasyon ni Aumentado.
Ang Barangay Poblacion sa Trinidad ubos sa pagpangulo ni Kapitan Juanilo Orioque ang sunod nga gibisita sa Gobernador.
Ubay-ubay ang mga opisyales sa 20 ka mga barangay nga mga kagawads ug SK ang gipili nga manumpa sa ilang katungdanan kauban ang Gobernador.
Adunay walo ka mga kapitan sa Trinidad nga nauna nang nihural sa kapitolyo.
Giawhag sa Gobernador ang mga bag-ong nihural, isip mga opisyales, sa pagtabang sa mga nanginahanglan sa ilang serbisyo bisan pa man kung dili kaalyado.
Dugang ni Aumentado nga ang kawsa sa Administrasyon mao ang tinud-anay, kinasingkasing ug limpyong gobyerno.
Nipatighulog ang kuponan sa Gobernador ngadto sa Munisipalidad sa Dagohoy, didto sa Barangay Malitbog Covered Court.
Inabagan ni ABC Pres. Gemelo Puertos ug former Mayor Apat, nihural usab ang mga barangay kagawads ug mga SK kagawads atubangan sa Gobernador.
Kahinumduman nga ang onse ka kapitanes ug onse ka SK chairman, nauna nang nihimo sa panumpa didto sa Kapitolyo.
Si Aumentado nipahinumdum sa tanan nga duol sa iyang dughan ang munisipalidad sa Dagohoy.
Samtang sa laing bahin, gidagsa sa mga Inabangahanon ang Nabuad Covered Court atol sa gipahigayon nga mass oath-taking ceremony sa mga kagawads ug sk gikan sa kapin sa 27 ka mga barangay.
Gidasig ni Aumentado ang tanan pagbaton og lig-ong baroganan uban ang pagtinabangay alang sa kausaban ug pagpalambo sa lungsod sa Inabanga.
Si Dexter Ancla nga taga Inabanga, kinsa nitambong sa mga paghural nipahayag sa iyang pag-atbang sa mga Jumamoy karong eleksyon 2025 sa iyang umaabot nga pagpapili pagkamayor sa Inabanga.
Sa maong mga paghural kauban ni Aumentado ang iyang executive assistant nga si Jun Flores.ALT
No comments:
Post a Comment