Malampuson nga nanumpa ang 68 ka mga bag-ong napiling barangay opisyales atubangan ni Gobernador Aris Aumentado ug Kongresista Vanessa Aumentado didto sa Kapitolyo Nobyembre 8.
Sa maong panumpa sa katungdanan, gipahayag sa mga barangay opisyales ang ilang matinud-anon nga pag-alagad sa ilang ginsakupan ug pakig-alayon sa kagamhanang probinsyal pinaagi kang Gobernador Aumentado.
Sa 50 ka mga barangay ang lungsod sa Inabanga ug 27 ka mga kapitanes ang unang nanumpa sa katungdanan gipahigayon sa solemno nga seremonyas sa Kapitolyo.
Samtang walo ka mga kapitan sa lungsod sa Trinidad ang nanumpa atubangan sa gobernador ug sa kongresista.
Sa laing bahin, 33 ka mga opisyales gikan sa lungsod sa Carmen ang nanumpa atubangan sa gobernador.
Tulo kanila mga kapitan, duha ang Sangguniang Kabataan chairman samtang mga barangay kagawad ang uban.
Matud pa sa usa ka saksi sa maong seremonyas, mga napiling opisyal sa unom ka barangay ang nagpadayag sa ilang tinguha nga sa kapitolyo sila manumpa.
Nakatambong ang gikan sa tulo ka mga barangay nga mao ang Monti Sunting, Buenas Aires, ug Poblacion Sur.
Napakyas pagtambong ang laing tulo ka barangay gumikan sa gipahigayon nga imbentaryo sa ilang barangay.
Si Congresswoman Aumentado nipadangat sa iyang mainitong pahalipay sa unang hugna sa mga opisyales nga nanumpa sa ilang katungdanon didto sa kapitolyo.
Si iyang kabahin, si Gobernador Aumentado nagpahinumdum kanila sa pagbaton kanunay og tinud-anay nga serbisyo subay sa tumong sa administrasyong Aumentado-Balite nga ipahigayon ang strategic change agenda sa lalawigan.
Nasayran nga alang niadtong mga opisyales nga buot manumpa sinaksihan sa gobernador, si Aumentado mismo ang musuroy sa kalungsuran alang niini.
Gipadangat ni Aumentado nga dako ang iyang kalipay sa kalampusan sa mga bag-ong opisyales sa barangay.ALT/PIMO
No comments:
Post a Comment