Si Gobernador Aris Aumentado nibisita sa CAAP ug gikahinabi si DG Manuel Antonio Tamayo.
Ilang gihisgutan ang duha ka airport sa Bohol. Kini mao ang gisugilon sa Gobernador sa iyang facebook page.
Una ang Tagbilaran old airport nga ilang gituki kay matod pa nga ipatigayon na ang Joint Venture sa pag pa-develop niini aron mahimuslan ug makabaton og income. I-convert kini ug himoon nga usa ka industrial zone.
Sa maong panagkita ilang nasabutan nga mu-kuha ug Master Planner para mas manindot ug attractive ngadto sa mga investor ang proyekto kay adunay gisunod nga plano.
Samtang sa laing bahin ang Ubay Airport giplano nga mahimong usa ka flying school sa region 7, usa sa mga highlights nga mapahimuslan usab ang maong airport.
Matod sa Gobernador nga mas maayo nga investor ang muokupar sa Ubay Airport.
Sa pagkakaron adunay investor ug gi-review ang proposal niini aron mahaom sa standard policy sa CAAP. ALT/PIMO
No comments:
Post a Comment