UNANG GOBERNADOR NGA NAHIABOT SA KABARANGAYAN CASH ASSISTANCE GIPANGHATAG

Subay sa roadmap sa Kagamhanang Probinsyal nga tutukan ang pagpalambo sa panginabuhian sa katawhan, giduaw ni Gobernador Aris Aumentado ang Panglao Tricycle Drivers and Operators Association ( PATDOA) sa Poblacion Panglao aron ipahigayon ang ceremonial turnover sa kantidad P435,762.40 ngadto ning kapunungan nga kasamtangan adunay mga membro nga mikabat og 550 kapin. Mihangyo ang gobernador nga mutabang ang maong kapunungan sa pagsanta sa mga abusado nga drivers ug operators nga maningil og sobra kadako nga pletehan ngadto sa mga pasahero ilabina sa mga turista.

Gisubay usab sa Gobernador ang kahimtang sa mga kabarangyan aron paghatod sa cash assistance nga tag P40,000 ngadto sa mga Federations sa mga Senior Citizens pinaagi sa pagpahiluna sa PTO ug OPSWD.

Mao kini ang iyang gisaad tuig 2022 nga 2 milyones alang sa mga senior citizens ug unang giduaw niini ang Barangay Canduao Oriental sa Valencia, ang Dimiao, Poblacion Lila, Loay ug Alburquerque.

Nagpasalamat ang mga federated presidents ngadto sa Gobernador sa pagtagad niini ngadto sa mga Senior Citizens.

Gihatod usab ni Gov. Aris ang financial assistance para sa barangay Canduao Oriental kantidad P25,000 ug P100,000 alang sa Bàrangay Cutcutan, Valencia, pondo gikan sa buhatan ni Bise Gobernador Dionisio Victor Balite, BM Greg Jala, BM Nathaniel Binlod, BM Elpidio Bonita, BM Tita Baja, BM Romulo Cepedoza, PCL Pres. Hon. Gementiza ug Hon. Christian Bolos SK Federated.

Matod sa mga barangay opisyales nga si Gobernador Aris mao ang unang Gobernador nga niduaw sa ilang barangay. mas nakapadasig kini sa Gobernador nga hatagan sa dugang pagtagad ang mga katiguwangan sa mga barangay nga dili sagad mabisita.

Samtang sa laing bahin, upat ka mga kapunungan sa Alburquerque ang gipahigayon ni Gov. Aris ang Ceremonial Turn-over kagahapong adlawa, uban sa DOLE-Bohol alang sa DOLE Livelihood Assistance.

Ang WEPO Unified Fisherman's Association benepisyaryo sa kantidad nga P498,375 alang sa ilang Fishing Supply Project, samtang ang TAGBUANE RIC Rural Workers Association benepisyaryo usab sa kantidad nga P248,860 para sa ilang Buri Fiber and Broom Production and Marketing.

Kantidad P498, 410 ang gidawat sa Alburquerque Tricycle Drivers and Operators Association para sa ilang proyekto nga vulcanizing, carwash ug spareparts supplies.

Sumala sa kanunay nga pagdasig ni Congresswoman Vanvan ug sa Gobernador ngadto sa mga kapunungan nga tun-an nila kung unsa ang ilang proyekto kay ang Gobyerno mububo og funds ngadto sa mga lehitimo nga kapunungan. Kana ang hinungdan nga gipadala ang community organizers aron mutabang paghapsay sa mga project proposals.

Nagkugi ang Gobernador sa personal nga pagbisita sa mga katawhan aron ipadangat ang mensahe nga ang Gobyerno nagpakabana busa angayan nga pahimuslan ang maong tabang gikan sa gobyerno.PIMO/ ALT