GOBERNADOR AUMENTADO NANGULO SA NEDA BOARD-RDC VAC THIRD QUARTER MEETING, MGA REKOMENDASYON GIAPROBAHAN

Gipanguluhan ni Gobernador Aris Aumentado ang Third Quarter Meeting Agosto 31, 2023 didto sa Bohol Tropics Tagbilaran City diin giaprobahan sa NEDA BOARD RDC VAC pinaagi sa Gobernador ang mga rekomendasyon.

1.Nauna niini mao ang pag aprobar paghatag og suporta sa Organic Green Revolution pinaagi sa rekomendasyon nga i-pull out o i-phase out ang mga pestisidyo nga nagbaton og extremely hazardous (Class 1a) ug highly hazardous (class 1b) active ingredients sumala sa gitumbok sa World Health Organization( WHO).

2.Pàg- aprobar sa gibag-o nga Visayas Spatial Development Fràmework:

A)Pangusgan ang physical and economic connectivity sa Rehiyong Kàbisayaan pinaagi sa pagrekomendar og mga proyektong imprastraktura partikular ang pagsumpaysumpay sa mga inter- island areas sa region 6,7 ug 8 pinagi sa mga tulay aron maangay ang mga kalamboan alang sa rehiyong kabisayaan. Request ngadto sa DPWH 6,7 ug 8 pag-update sa High Standard Highways and Bridges Connecting Visayas Regions. Request ngadto sa DOTr iapil ang lateral ( East- West) Nautical Highway ug pag- implementar sa PPA Ports improvements nga nahisulod sa Lateral Nautical Highways.

B)Pag-aprobar sa rekomendasyon sa NEDA BOARD RDC nga magrequest ngadto kang Presidente Ferdinand "Bongbong" Marcos Jr. pag- amendar sa Executive Order ( E.O.) No. 125, giamendahan sa E.O. 125-A pagbutang og mga buhatan sa Department of Transportation ( DOTr) sa mga Regional Offices nga adunay daghang proyekto nga gina- implementar pagbaton og koordinasyon alang sa paspas nga implementsyon.

C)Pag-aprobar sa resolusyon pagpatawag sa Department of Energy( DOE), Energy Regulatory Commission (ERC) ug National Electrification Administration (NEA) aron masayran ang hinungdan sa taas nga singil sa kuryente ug ang pagpangayo kanila og solusyon pagpakunhod sa presyo sa kuryente sa Region 6, 7 ug 8.

3.Pag- aprobar sa resolusyon pagpatawag sa DOTr ug PPA aron matuki ug ma- adjust ang taas nga singil sa Port Fees ug pagsubay sa mga isyo kabahin sa pagpadagan sa mga pantalan.

4.Pag- aprobar sa resolusyon enjoining Local Government Units ( LGUs) to fast track the adoption of Electronic Business One- Stop Shop ( eBOSS System) base sa Anti Red Tape Authority ( ARTA), Department of Trade and Industry (DTI), Department of Interior and Local Government Unit (DILG), ug Department of CommunicationsTechnology (DICT) Joint Memorandum Circular No.1, Series of 2021.PIMO/ ALT