Adunay upat ka mga provisional agenda sa NEDA Board – Regional Development Committee Visayas Area Committee (NB-RDCom VAC) nga gipailalom sa deliberasyon ug giaprobhan ni Gobernador Aris Aumentado sa iyang pag-preside sa ilang gipahigayon nga 2023 3rd Quarterly Meeting didto sa Bohol Tropics Resort, Dakbayan sa Tagbilaran ning ika-31 sa Agosto.
Gihisgutan ang mga infrastructure projects sa Kabisayaan, partikular sa mga inter-island areas ug rekomenda kini ngadto sa mga magbabalaod.
Nahisgutan usab ang bahin sa request ngadto sa Department of Transportation (DOTr) nga iapil sa maong mga proyekto ang Lateral (East-West) Nautical Highway nga mukonekta sa tulo ka mga rehiyon sa Visayas pinaagi sa mga tulay, lakip na ang Bohol-Cebu Bridge, nga girekomendar ni Gobernador Aris Aumentado nga adto magaagi sa Lungsod sa Getafe.
Ang maong Lateral East-West Nautical Highway giduso sa NEDA BOARD-RDCom VAC alang sa legislations niini.
Ang DOTr aduna nay gibubo nga investment alang sa pagkonekta sa Maynila og Mindanao, ug mutadlas kini sa Central Visayas Region.
Si Gobernador Aris, daan nang miingon nga abri kini alang sa mga investors nga interesadong mutukod sa Bohol-Cebu Bridge nga magsugod sa Lungsod sa Getafe.
Kauban sa meeting si Ms. Jennifer C. Bretaña (Vice-Chairperson, RDC VII ug Regional Director, NEDA VII), Engr. Arecio A. Casing Jr. (Head, NB-RDCom VAC Secretariat ug Vice Chairperson, RDC-VI), Ms. Yvette G. Batacandolo (Secretary, NB-RDCom VAC and RDC VI), Ms. Mylene C. Rosales (Vice Chairperson sa RDC VIII), Ms. Cynthia Villena (Assistant Director, Regional Development Staff) ang Provincial Planning Development Officer na si Atty. John Titus Vistal ug ang atong Gobernador sa lalawigang Bol-anon nga RDC Chairperson sa Region VII, Gov. Aris Aumentado(PiMO/ALT).
No comments:
Post a Comment