Gihatagan ni Gobernador Aris Aumentado og pasidungog ang katorse ka mga Coastguard atol sa pagbisita niini ngadto sa buhatan sa Gobernador Agosto 3, 2023.
Mga kawani kini sila gikan sa Philippine Coast Guard, ubos sa Coast Guard Station Western Bohol diin ang uban kanila gikan sa sub- station sa Tagbilaran, Panglao, ug Isla Balicasag.
Si Gobernador Aris, nauna nang namahayag nga iyang gidayeg ang maong abtik nga paresponde sa maong grupo sa nahitabong sunog sa M/V Esperanza Star tungod sa ilang pagtuman sa ilang katungdanan pagluwas sa mga pasahero niini, diin walay nakabsan sa kinabuhi atol sa maong hitabo.
Ang midawat sa Governor's Testimonial of Recognition mao sila si CG PO2 Jeffry G. Bardollo, CG SN1 Christian Hope D. Caberoy, CG SN2 Mohaimin A. Sappalun, CG ASN Sonvel S. Avila, CG SN2 Alyvher C. Maxilom, CG PO2 Gines B. Cajes, CG PO3 Lyrichel Bryle P. Ramonida, CG PO3 Richard A. Palmares, CG PO2 Malcolm Daryll A. Paredes, CG SW2 Analyn Ummok, CG SW2 Judelyn S. Deloso, ug CG PO2 Nelbert Gallo.
Saludo ang Gobernador sa maong buhat.
Duha sa maong grupo ang wala makatambong sa maong courtesy visit nga mao sila si CG CPO Paul Vincent J. Yu in ug CG LT John M. Cenceslao.
Gusto sa Gobernador nga personal niya nga itunol ang maong certificate sa mga wala diha niadtong higayona.
Pagdasig sa Gobernador sa mga Coastguard nga magpadayon sila pagtuman sa ilà ng madasigon nga buhat sa ilang katungdanan pagpanalipod sa kalikopan, palibot ug katawhan nga ilalom sa ilang pag- atiman.
No comments:
Post a Comment