Ang GOV. CELESTINO GALLARES MEMORIAL MEDICAL CENTER (GCGMMC) nga mas nailhan sa ngalan nga Provincial Hospital mipahigayon diha mismo sa maong tambalanan, sa Ribbon Cutting alang sa usa ka 16/32 SLICE CT-SCAN MACHINE Agosto 4, 2023, aron opisyal na kini nga magamit sa mga katawhan nga nagakinhanglan ning maong klase sa serbisyo.
Gikalipay ni Gobernador Aris Aumentado ang maong kalamboan gumikan dako na kini nga tabang aron mahatagan sa maong serbisyo ang mga kaigsoonang Bol-anon.
Matud pa nga nakabaton sa maong CT-Scan Machine ang GCGMMC gumikan sa kolaborasyon sa maong tambalanan kauban ang Department of Health ( DOH), Asian Development Bank, ug suportado kini ni Gobernador Aris Aumentado.
Usa sa gitutukan sa Kagamhanang Probinsyal, sa direktiba ni Gobernador Aris Aumentado, mao nga mapangusgan ang pagbaton og de- kalibre nga health and social services nga mapahimuslan sa tanan nga kaigsoonang Bol-anon sa tibuok probinsya.
Mitambong si Gobernador Aris Aumentado sa opisyal nga hand over sa CT-Scan Machine ngadto sa maong hospital uban ni Jaime S. Bernadas, MD, MGM, CESO III, DOH-Central Visayas, kanhi City Mayor Baba Yap isip representante ni Mayor Jane Yap ug Abel Damalerio, Chief of Staff ni Congressman Edgar Chatto.
No comments:
Post a Comment