Matod sa pamahayag ni LMP Pres. Buenavista Mayor Dave Duallo sa milabay nga launching sa inter-town basketball tournament Abril 11, “all municipal mayors in our Provincial Government of Bohol are supporting this tournament and they are hundred percent joining this tournament”.
Nagkahiusa sa usa ka tumong ang mga mayores pagsuporta sa programa sa Pangagamhanang Probinsyal ubos sa liderato ni Gobernador Aris Aumentado niining PGBh D-League Governor’s Cup.
Malampuson kini nga gipahigayon didto sa lungsod sa Candijay. Giabi-abi sa Candijay Mayor Hon. Thamar Olaivar ang tanang participating teams uban sa ilang mga mayores. Mihatag sa iyang mainitong pag-abiabi ang Third District Congresswoman Alexie Tutor. Si Vice Governor Dionisio Victor Balite mi-ekspresar usab sa iyang mainitong pagtimbaya sa tanan.
Opisyal nga giabrihan ni Gobernador Aris Aumentado ang PGBh D-League Governor’s Cup 2023. Sa iyang mensahe siya nagkanayon nga sa ilang administrasyon ilang pakadak-an ang pagpauswag sa natad sa sports aron matabangan ang mga kabatan-onan nga mahilikay sa impluwensya sa iyang gitawag nga otot sa demonyo o illegal drugs. Dili lang sa sports, buot sa gobernador nga ang Kabatan-onang Bol-anong mututok usab sa ilang pag-eskwela.
Gisugdan ang kalihukan sa makabungog nga street parade sa tanang mga participants. Mas gipabibo ang kalihukan pinaagi sa Miss Gov Cup 2023 District Congressional Round.
Mabati ang hugyaw sa tersero distrito sa pagrampa sa mga muse sa 17 ka teams nga sila si Joinnah B. Penaranda sa Alicia, Ashley Pauline D. Bag-ao sa Batuan, Jean Monique Dordass sa Bilar, Jhoanna Kate A. Macadini sa Candijay, Dulce Leandra A. Unajan sa Carmen, Rachelle May M. Adanza sa Dimiao, Francese Michaela Q. Jimenez sa Duero, Carl Joellie T. Tentativa sa Garcia Hernandez, Katherine B. Topsnik sa Guindulman, Zenn Rose L.
Caguindangan sa Lila, Camille Paz Estrera sa Loay, Diana Mae M. Sarigumba sa Loboc, Kate Trisha Galupo sa Mabini, Ma. Kryll Illustrisimo sa Pilar, Jennifer S. Calamba sa Sevilla, Cyrel Jean Recullo sa Sierra Bullones ug Terenz Cagulada sa Valencia.
Ang Miss Candijay nakakuha sa Miss Photogenic-Jhoanna Kate A. Macadini samtang si Miss Mabini-Kate Trisha Galupo ang nakakuha sa People’s Choice Award nga nakabaton sa 6.1 heart reactions.
Upat ang napili gikan sa tersero distrito nga mu-advance ngadto sa umaabot nga Coronation Night kauban unya ang mapili usab sa Una ug Segundo Distrito; ang Garcia Hernandez-Carl Joellie T. Tentativa diin naangkon niini ang special awards nga Best in Casual Interview ug Best in Sports Wear Awards, Guindulman-Katherine B. Topsnik, Duero-Frances Michaela Q. Jimenez ug Dimiao-Rachel Mae Adanza nga nakaangkon sa Best in Production Number. Napili ang upat subay sa ilang performance sa ilang Production Number, Sports Wear ug Casual Interview.
Ang mga judges ning maong Miss Gov Cup 2023 Third District Conference nga gipahigayon sa lungsod sa Candijay Abril 16, mao sila si Danica Joy Mahumot, John Ashley Gementiza ug Khim Roger Ryan Magtagad.
Gideklarar ang Official Opening sa Tournament ug senyales kini nga andam na ang mga basketball teams mupadahunog sa Candijay Gymnasium, Loay vs. Sierra Bullones ug Candijay vs. Garcia Hernandez sa Junior Division ug sa Open Games.
Adunay mga pagkausab sa schedule gikan sa launching ug niining mga opening apan ang musunod nga paduwa adto pagahimoon sa Calape, diin masaksihan ang First District Conference sa Calape Cultural Center and Sports Complex Abril 21 ug ang Second District Conference adto ipahigayon sa Talibon Municipal Gymnasium Abril 23.
Ang malampuson nga aktibidad pinaagi sa pagtambayayong sa Local Government Affairs (LGA) padagan ngadto sa mga Local Government Units (LGU), Provincial Youth Development Office (PYDO), Special Projects Section (SPS) uban sa Creatives Section, Provincial Information and Media Office (PIMO), Provincial Disaster Risk Reduction Management Office (PDRRMO), mga Kapulisang Probinsyal ug Munisipal, ug ang Governor’s Office Executive Affairs.
Usa sa mga kalab-uton sa Gobernador nga himoong tinuig kining maong kalihukan pinaagi sa pag-institutionalize niini.
No comments:
Post a Comment