Gisugdan ang Governor’s Cup sa Segundo Distrito pinaagi sa parade sa tanang mga participants didto sa lungsod sa Talibon Abril 23.
Mihatag sa iyang mainitong pagtimbaya ang mayor sa Talibon nga si Hon. Janette Garcia ngadto sa tanang mga mayores nga misaksi sa maong kalihukan. Dako ang pagpasalamat sa mayor nga ang ilang lungsod mao ang venue alang sa opening.
Si executive assistant Nelson Pon mipasabot sa katuyuan sa Governor’s Cup. Ang Kagamhanang Probinsyal sa liderato ni Gobernador Aris Aumentado gitutukan ang pagpalambo sa kahimtang sa mga Kabatan-onang Bol-anon sa natad sa sports, ilabina kadtong anaa sa ubos nga hut-ong sa katilingban. Matod ni Pon nga ang ingun niining kalihukan dugay nang ginabuhat ni Gobernador Aris kay sa panahon nga kongresista pa lamang kini gimugna usab niiini ang Congressman Aris Aumentado Basketball Cup.
Ang Kongresista sa Segundo Distrito Maria Vanessa Aumentado, mipasalamat sa tanang misuporta sa Governor’s Cup ug naghinubay nga nagkadakona ang nasugdan kaniadto nga Congressman Aris Aumentado Basketball Cup nga karon Governor’s Cup na ang gimugna sa Provincial Government. Mikomitar si Congresswoman Aumentado ug dugang papremyo alang sa musulod sa grand finals sa district wide winners sa basketball ug laing dugang papremyo alang sa tanang mga kandidata sa Miss Gov Cup 2023.
Si Bise Gobernador Dionisio Balite midasig sa tanang magduduwa, nga ipakita ang natural nga dinuwaan ug ihatag ang fairplay nga duwa.
Ang mensahe ni Gobernador Aris Aumentado nagpahayag sa iyang tibuok suporta pagdevelop sa talent, skills , teamwork ug camaraderie sa mga kabatan-onan pinaagi sa sports aron mahilayo sa daotang mga bisyo. Iyang gipahibalo nga sa sunod tuig pagahimoon ang mandatory testing alang sa tanang mga team players. Gidasig sa gobernador ang mga players pagkab-ot sa kadaogan ug gipahinumdum nga adunay dagko nga premyo ang Kagamhanang Probinsyal alang sa mga makuha nga first four. Aduna usab dugang papremyo pinaagi sa proyekto para sa mga Local Executives kung musulod sa first four ang ilang team ug nag grand slam sa Junior ug Open Division.
Mukabat sa P10 Milyon kantidad nga proyekto ang giandam para sa Grand Champion, P7Milyon para sa ikaduha, P5 Milyon para sa ikatulo ug P3Milyon para sa ikaupat. Apan kun dili grandslam P5Milyon ang giandam nga kantidad sa proyekto para sa Local Executives kung ang ilang team Junior o Open Division mao ang champion. Kantidad P3Milyon ang sa ikaduha, P2Milyon para sa ikatulo ug P1Milyon para sa ikauoat.makakuha sa grand slam proyekto Jr. ug open game 10 m.7,5,3 apan ku 5,3,2 ug 1m. Midugang ang gobernador nga iyang nakasabot ang mga gobernador sa ubang probinsya ug ang best team sa Bohol isangka sa best team usab sa uban probinsya sa umaabot nga paduwa inter province. Opisyal nga giabrihan sa gobernador ang Governor’s Cup, Second District Conference.
Si Keith Andrew Mumar nangulo sa pagpanumpa sa Oath of Sportsmanship isip senyales nga magsugod na ang duwa.
Nagpabibo sa opening ang pagrampa sa mga muses nga sila si Nikki B. Lofranco sa Bien Unido, Rica A. Lofranco sa Buenavista, Ynnah Ponteres sa Clarin, Rhee Angela B. Degamo sa Dagohoy, Abegail Celis sa Getafe, Apple Mae Anana sa Inabanga, Rera Aubrey Sagarino sa Sagbayan, Erica Lorene Pagas sa San isidro, Maria Judelyn Bulala sa San Miguel, ug Rose Jane Israel sa Trinidad.
Sa Miss Gov Cup 2023 Preliminary Search, tulo ang kuhaon sa napulo nga kandidata aron mao ang musulod sa final rounds kauban ang napili usab sa Unang Distrito ug Segundo Distrito. Kini sila mao si Ynnah Ponteres sa Clarin, Rose Jane Israel sa Trinidad nga nakakuha sa People’s Choice Award, ug Best in Casual Interview, ug si Apple Mae Anana sa Inabanga nga nakakuha usab sa Miss Photogenic, Best in Production Number, ug Best in Sportswear.
Nagpadayon ang kalihukan pinaagi sa duwa Ubay vs. Talibon ug Dagohoy vs. Carlos P. Garcia.
Ang PGBh D-League Governor’s Cup, usa ka kalihukan gikan sa Pangagamhanang Probinsyal ubos sa liderato ni Gobernador Aris Aumentado nga nahimong possible pinaagi sa pagtinabangay sa tanang mga Local Government Units.
No comments:
Post a Comment