Nagkahiusa ang kinse ka mga Local Government Units apil na ang syudad sa Tagbilaran diha sa Unang Distrito, pagpadala sa ilang mga delegations alang sa gipahigayon nga First District Conference sa PGBh D-League Governor’s Cup 2023 didto sa Calape Cultural Center and Sports Complex. Kini gisugdan pinaagi sa parade, Drum and Lyre Corps gikan sa Bohol Province Institute, Calape National Highschool ug Bohol Island State University,uban sa Calape Colors, PNP ug BFP Calape, ang mga kandidata sa Miss Gov Cup 2023 ug ang mga basketball players sa kinse ka mga lungsod.
Gipasalamatan sa kanhi Vice Governor ug karon Calape Mayor Hon. Julius Caesar F. Herrera ang pagpili sa lungsod nga maoy venue alang sa maong aktibidad. Gipasalamatan usab niini ang tanan nga miduyog sa maong kalihukan nga gipahigayon Abril 21, 2023 diin mao usab ang sumad sa iyang adlawng natawhan.
Si First District Congressman Edgar M. Chatto, mipresentar ngadto sa publiko sa tanang mga participating teams samtang mihatag usab sa iyang insights ang Bise Gobernador sa pagkamahinungdanon sa sports diha sa mga batan-on aron paglikay kanila sa impluwensya sa mga ginadili nga droga. Sa mensahe ni Gobernador Aris Aumentado, isip opisyal nga pag abri sa First District Conference, mainiton niyang gipasalamatan ang mga mayores sa First District sa ilang pagsuporta sa Governor’s Cup kay kini oportunidad sa mga magduduwa pagpauswag pa sa ilang mga kaugalingon sa natad sa sports. Higayon usab kini nga madiskubre ang mga adunay potential pag-apil ngadto sa mga dagkong liga aron makakuha og scholarship.
Gipahigayon ni John Phillip Ponla ang torch lighting ceremony ingun nga senyales sa opisyal nga pag-abri sa kalihukan, ug gisundan kini sa pagpanumpa sa Oath of Sportsmanship pinaagi ni Sandro Ytac.
Sadya ang opening sa pagrampa sa mga kandidata sa Miss Gov Cup 2023 nga mao sila si Hannah Jane T. Daraman gikan sa Antequera, Nicole Lorenz Marie Apipe sa Baclayon, Bea Cyra B. Lansang Balilihan, Gwyneth Ainsley R. Remperas sa Calape, Riegelle Eva M. Maglajos sa Catigbian, Michelle Jane P. Tolop sa Cortes, Vitchie Lorin I. Pordios sa Dauis, Leann Tifanny D. Gallares sa Loon, Mae Antonnette R. Anaviso sa Maribojoc, Crislyn G. Dango sa Panglao, Mary Love Lopez sa Tagbilaran, ug Ryanne Marielle B. Tan sa Tubigon.
Tulo ang gipili sa mga judges nga maoy mupadayon alang sa final rounds, Miss Loon-Leann Tifanny D. Gallares, Miss Tagbilaran-Mary Love Lopez nga nakakuha sa Miss Photogenic, Best in Production Number ug Best in Sportswear. Ang Miss Tubigon-Ryanne Marielle B. Tan maoy nakakuha sa People’s Choice Awards ug Best in Casual Interview.
Gisugdan dayon ang unang game Tagbilaran vs. Calape.
Ang PGBh D-League Governor’s Cup 2023 usa ka proyekto sa Bohol Provincial Government ubos sa liderato ni Gobernador Aris Aumentado nga bunga sa hiniusang pwersa sa tanang mga hingtungdan.
No comments:
Post a Comment