Sa pagsugod ni Gobernador Aris Aumentado sa iyang katungdanan isip Gobernador sa Bohol, apil sa iyang panglantaw nga matubag ang mga pangandoy sa mga atletang anaa sa ubos nga sektor sa katilingban nga matutukan ang mga Bol-anong mahiligon sa Sports.
Tungod niini iyang gipalihok ang mga hingtungdang buhatan pagplastar og usa ka Governor's Cup nga maglambigit sa tanang Local Government Units(LGU) pagpangita og mga players sa kabarangayan nga adunay potential apan wala mahatagi sa kahigayonan.
Human sa daghang meeting tali sa Local Government Affairs (LGA)pinaagi sa mga executive assistants Nelson Pon, Jun Flores ug Stephen Rances, Provincial Youth Development Office(PYDO)Sports Section Gelbong Bongato ug mga Municipal Coordinators, Abril 11, gipahigayon didto sa Ceremonial Hall, New Provincial Capitol ang Launching Ceremony sa PGBh D-League Governor's Cup 2023.
Kini gitambongan sa tanang mga Local Chief Executives, sa matag Lungsod isip suporta sa ilang tagsa-tagsa ka team.
Stunning ang beauty sa mga muse sa matag team. Matag usa kanila, kandidata sa ipahigayon nga Search for Miss Gov. Cup 2023, usa kini ka back to back nga event niining maong PGBh D-League Governor's Cup.
Unang mibuhi sa iyang Solidarity Message ang LMP President Hon. Mayor Dave Duallo human sa mainitong pag abi-abi ni Bise Gobernador Dionisio Victor Balite sa mga bisita. Mainiton nga gipaabot ni Mayor Dave ang iyang pahalipay ngadto sa gobernador sa pagpahigayon niining Governors Cup kay unang higayon kini sa lalawigan. Matod pa sa mayor nga ang maong sports program nakakuha sa syento porsyento nga suporta kanilang tanang mga Local Chief Executives.
Mihatag usab sa mensahe ang 1st District Congressman Edgar M. Chatto. Namahayag siya sa iyang suporta ug pahalipay sa Kagamhanang Probinsyal ubos sa liderato ni Gov. Aris sa malampusong kalihukan. Si Congresswoman Vanvan Aumentado girepresentahan sa iyang chief of staff Edgar Del Rosario.
Ang Governor's Cup gipasiugdahan pinaagi sa pagtambayayong sa Local Government Affairs (LGA),Provincial Youth Development Office (PYDO), uban sa pag-alayon sa Special Projects Section (SPS), Provincial Information and Media Office (PIMO) ug Creatives Section.
Ang mga District Commissioners gilangkob nila ni Peter Naron, Lenard Simbit, Undo Zamora, Lincoln Gequillana, Doy Ligan ug Joseph Namor ug Leo Sucio.
Highlighted sa maong kalihukan ang Unveiling of Governor's Cup 2023 Logo ug ang pagpresentar sa mga maanyag nga muse sa matag team. Nagdugang sa kasadya sa kalihukan ang pagrampa sa tanang mga kandidata paghatag sa ilang respective mayors og sash ngadto kanila.
Sa mensahe ni Gobernador Aris iyang gipaabot ang iyang seryoso ug malipayong pagpasalamat sa bug-os nga suporta sa mga mayor sa tibuok Bohol niini nga kalihukan. Gipahibalo ni Gobernador Aris Aumentado nga dili lang cash prizes ang giandam sa Kagamhanang Probinsyal para sa mga mananaog, ang over all champion sa Governor's Cup, gitagan-an sa 10M peso nga kantidad sa proyekto alang sa lungsod, ang makakuha sa ikaduhang ganti, adunay P7M peso nga kantidad sa proyekto ug ang ikatulo adunay P4M Peso nga kantidad sa proyekto.
Pagahimoon ang opening sa Third District karong April 16 didto sa Candijay, ang First District April 21didto sa Calape ug April 23 ang Second District didto sa Talibon.
Nagkahiusa ang mga opisyales sa probinsya sa ilang tinguha pagpauswag sa Bohol sa natad sa sports.
No comments:
Post a Comment