Bag-o lang gilusad ang programa sa gobernador nga Duaw ug Kukabildo apan ubay-ubay na ang mga barangay nga nakabenipisyo niini gumikan, napadali nila pagdawat ang ilang mga gikinahanglan gikan sa Kagamhanang Probinsyal.
Matod pa sa mga tinubdan nga ang Duaw ug Kukabildo ning adlawa Abril 4, sa gobernador dili mumenos sa napulo ka barangay, kini gilangkob sa upat ka lungsod nga mao ang Bien Unido, Trinidad, San Miguel ug Dagohoy.
Una nang nahatdan sa financial assistance ang Brgy. Liberty, Lungsod sa Bien Unido kantidad P399,050.00 alang sa ilang Basketball Court Bleachers. Nasundan kini sa Brgy. Mandawa, sa mao gihapon nga lungsod kantidad P200,000.00 para sa ilang brgy. health station/center.
Mipatighulog ang grupo sa gobernador ngadto sa Brgy. Kinan-oan, Lungsod sa Trinidad paghatod sa ilang Provincial Aid para sa ilang Barangay Day kantidad P145,000.00.
Miadto usab sila sa Brgy. Mabuhay Cabigohan, Trinidad paghatod sa financial assistance sa barangay kantidad P300,000.00 para sa ilang Brgy. Road Opening ug sa Brgy. Hinlayagan Ilaud aron paghatod sa provincial assistance para sa construction sa National High School Covered Court kantidad P90,000.00.
Si Gov. Aris miduaw sa Brgy. Capayas, lungsod sa San Miguel. Human sa kukabildo gitunol sa gobernador ngadto sa opisyales kantidad P50,000.00 para sa ilang Sports Activities. Ang Brgy. Cambangay Norte, San Miguel mao na usab ang ilang gihatdan sa tseke nga P50,300.00 para sa ilang Foundation Day.
Katapusan nga lungsod ilang gihatdan sa Provincial Aid mao ang Dagohoy, diin kantidad P 15,000.00 ang gihatod ngadto sa Brgy. Malitbog.
Giadto usab sa gobernador ag Brgy. Caluasan, Dagohoy aron paghatod sa tseke kantidad P95,000.00 para sa ilang pagpalit ug plastic chairs. Ang Brgy. Estaca, Dagohoy gihatdan usab sa financial assistance nga P30,000.00 para sa ilang Inter-Brgy. Basketball Tournament.
Gipanghingusgan sa gobernador ang maong lakang gumikan dunay mga Provincial Aid nga nadelatar ang pagkuha sa hingtungdan. Kini nakatabang aron malikayan ang dako nga gasto sa barangay sa tinuyo nga pag adto sa kapitolyo.
Pagpasabot sa gobernador, ang mga gipanghatod nga assistance, gikan sa panudlanan nga gigahin alang sa gobernador ug sa Sangguniang Panlalawigan, partikular gikan sa mga Board Members ug sa Bise Gobernador.
Ang maong check distribution sa Provincial Government pinaagi ni Gob. Aris gisaksihan sa mga barangay officials matag barangay, mga vice mayors sa matag lungsod, sa Provincial Treasury Office, ug ni Executive Assistant Jun Flores.
No comments:
Post a Comment