Malampuson nga gilusad sa Bohol Paddlers Association Inc. (BPAI) ang Bohol Island Dragon Boat Festival didto sa Ceremonial Hall, New Capitol Building, Tagbilaran City niadtong Marso 8, 2023.
Gitambungan kini sa nagkalain-laing mga sports enthusiast, stakeholders sa tourism industry ug mga political figures.
Mihatag og suporta ngadto sa maong launching ang head sa Bohol Tourism Office nga si Ms. Josephine Cabarrus pinaagi sa paghatag og welcome address.
Si Gobernador Aris Aumentado mipadangat og mensahe sa panaghiusa niining maong festival.
Maka-inspire ang kinabuhi ni Mr. Arnold Balais, usa ka Person with Disability, nga membro sa usa ka Dragonboat Racing Team. Iyang gipakita pinaagi sa buhat nga dili babag ang iyang kahimtang pagkab-ot og mas mabungahon nga lakaw sa kinabuhi. Gani sa iyang pagka paddler, nahimo usab siya nga endorser sa Alaxan.
Naghatag og dugang pagkamabulukon sa umaabot nga Dragon Boat Festival ang partisipasyon sa Cebu Pink Paddlers. Kining maong grupo ang unang Dragon Boat Team sa nasod nga mga breast cancer survivors ang mga membro.
Ang maong Dragon Boat Festival ipahigayon karong July 21 ug 22 isip kabahin sa selebrasyon sa Sandugo ning maong tuig diin aduna kini tema nga “Bugsay sa Pag-abante.”
Malaumon ang founder ug chairman sa Bohol Paddlers Association, Dr. Theodore “Doyet” Dumaluan, nga ang umaabot nga festival mag-abri og dugang mga oportunidad alang sa mga paddlers, samtang mag-pasundayag usab kini sa mga nagkadaiyang artistic innovations sa dragon boat racing isip usa sa mga nag-unang watersports sa probinsya.
Si Gobernador Aris nagkanayon nga panahon na karon nga magkahiusa, aron makab ot ang usa ka Bohol nga malambuon, ug iselebrar ang umaabot nga festival sa Bohol Island Dragon Boat uban sa kalipay.
No comments:
Post a Comment