ATHLETES SA BOHOL NAKAKUHA OG 12 KA MEDALYA SA PHILIPPINE ATHLETIC CHAMPIONSHIP

Gipahigayon ang 2023 ICTSI Philippine Athletics Championships-International Sports Event, didto sa City of Ilagan, Isabela Province, Marso 22-26, 2023.

Sa mainitong pagtimbaya ni Hon. Mayor Jose Marie L. Diaz, special mention ang mga athletang delegado gikan sa Indonesia, Malaysia, Thailand, Vietnam, Iraq, Brunei, Cambodia, Sri Lanka, Taipei, Filipino-Heritage Athletes nga kasagaran gikan sa USA ug ang Philippine Team nga adunay mga magdudula sa Batang Pinoy Palarong Pambansa.

Sa mensahe ni Hon. Richard Bachmann, chairman sa Philippine Sports Commission(PSC) isip Guest of Honor sa maong event, mipadangat kini sa iyang pahalipay ngadto sa Philippine Athletic Track And Field Association(PATAFA), uban sa Presidente niini Agapito T. Capistrano ug ang Secretary General nga mao si Edward Kho sa malampuson nga kalihukan.

Gibanabana nga adunay dili mumenos sa usa ka libo ka mga local athletes ang mitambong niini ug 80 ka mga athletes nga langyaw. Dinhe, ang mga delegado magpakita sa ilang talagsaong kahanas bahin sa nagkalain-laing sports events.

Ang mga Bol-anong delegado malampuson nga nasakmit ang 12 ka mga medalya, diin upat(4) niini bulawan, upat (4) ang plata ug upat (4) ang bronze.

Ang Bohol, Rank 16 sa 27 nga Open Elite samtang Rank 4 sa 15 nga Youth Under18(U 18).

Open Elite:

Rank 16 sa 27(silver medalists)

Si April Joy Alampayan sa Tubigon, Bohol

(3,000m SteepleChase) ug Diana Rysiamie Huraño sa Calape, Bohol (Long Jump).

Bronze medalists usab sila

April Joy Alampayan sa Tubigon, Bohol

(5,000m) ug Ronne Malipay sa Trinidad, Bohol (Triple Jump)

Youth U18:

Ikaupat 4 ang Bohol sa 15 ka mga athleta, (gold medalists.)

Ma. Emely Balunan sa Garcia Hernandez, Bohol (400m) , Liznie Delfino sa Baclayon, Bohol (1,500m & 2,000m SteepleChase) ug Juvelle Alexa Matnog sa Garcia Hernandez, Bohol (100m)

Silver medalists usab si

Ma. Emely Balunan sa Garcia Hernandez, Bohol (Long Jump) ug Liznie Delfino sa Baclayon, Bohol (5,000m).

Bronze medalists sila si

Juvelle Alexa Matnog sa Garcia Hernandez, Bohol (400m) ug Marilou Caduyac sa Sierra Bullones (2,000m SteepleChase).

Si Gobernador Aris Aumentado mipadangat sa pahalipay ngadto sa tanang atletang Bol-anon, tungod sa ilang kalampusan.

Ang maong event gipahigayon sa Sports Complex, Barangay San Vicente, City of Ilagan, Isabela.

Matod pa nga ang International Container Terminal Services (ICTSI) Philippine Athletic Championship, sulod sa qualifying period Mayo 14, 2022 hangtod Marso 21, 2023, katapusang selection alang sa umaabot nga Southeast Asian Games ug ASIAN Games.