PARTNERSHIP PGBH UG BOI OPORTUNIDAD SA FOREIGN INVESTMENTS

Malampuson nga gipahigayon ang Ceremonial Signing sa Memorandum of Understanding on Joint Investment Promotion didto sa New Capitol,Tagbilaran City Pebrero 22.

Si Gobernador Aris, kauban ang Executive Director sa Board of Investments (BOI), nga si Atty. Bobby G. Fondevilla nanguna sa pagpirma sa MOU. Apil usab niini ang Director sa BOI Domestic Investment Promotions Service, Maria Rosario J. Dominguez, ang Provincial Administrator Aster Caberte ug ang Bohol Economic Development and Investment Promotions Office(BEDIPO)OIC Maria Fe Dominise.

Subay sa maong MOU, gihisgutan ang EO 292 sa Administrative Code of 1987 sec 15, chapter7 titleX Book IV, "Board of Investments(BOI)responsible for coordinating the formulation and implementation of short, medium and long term industries plans and promoting investments in the Philippines...."

Si Fondevilla nagkanayon sumala sa maayo nga profile sa Bohol, angayan kini tabangan sa BOI, pag-market sa tibuok probinsya ngadto sa foreign investors nga nangita og lugar sa patigayon.

Pagdugang sa Executive Director nga sumala sa business climate sa probinsya, ang Bohol karon, andam na sa paghost sa nagkalain-laing dagko nga oportunidad dili lang sa lokal nga pamatigayon apil na niini ang foreign investments.

Si Gobernador Aris nagpasalamat sa lig-on nga partnership kauban ang BOI, ug namahayag nga sukad pagsugod sa Administrasyong Abante Bohol, anaa na ang pagpangdani og mga mamumuhunan nga ibubo ang ilang kapital dinhe sa probinsya aron mudaghan ang job opportunities ug mulambo ang industriya sa nagkalain-laing sector. Pagdugang ni Aumentado nagwork hard ang iyang administrasyon nga makaagni og daghang mamumuhunan aron nga makamugna og dugang job opportunities.

Ang Provincial Administrator nga kanhi DTI Asec, nga si Aster Caberte, nagkanayon nga sa pagkakaron, hinayhinay na nga ilang naani ang bunga sa ilang intensive promotional campaign ug sa umaabot nga mga adlaw adunay paglusad sa mga job fairs, musulod ang mga locators sa BPO ug ang local players nga mumatch sa demands sa BPO.

Suportado sa Department of Interior and Local Government(DILG)pinaagi ni Provincial Director Jerome Gonzales ang maong kalihukan ,matod pa, tungod sa issuances gikan sa ilang buhatan nagpunting sa pagmugna og Local Economic Development and Investment Office ug ang formulation sa local investment code niini makatabang sa pagpromote ngadto sa global investors.

Gisaksihan ang paglagda sa MOU sa Provincial Director sa DTI -Bohol Maria Soledad Balistoy, Atty. Handel Lagunay, ug Vierna Ligan sa DTI.

Panapos nga mensahe ni Caberte, make it happen in Bohol.