DAR SEC. ESTRELLA NAG APOD-APOD OG MGA TITULO SA BOHOL

Ang Department of Agrarian Reform (DAR)Secretary, Conrado M. Estrella III, personal nga mibisita sa Bohol sa gipahigayon nga Distribution of E-Title/ Certificate of Land Ownership Award(CLOA) Pebrero 21, didto sa Bohol Cultural Center.

Simultaneous ang maong kalihukan uban sa Dumaguete City, Negros Oriental ug Cebu City nga nagapahigayon usab og pagpanghatag sa titulo ngadto sa ilang mga benepisyaryo.

Mainitong giabi-abi ni Gobernador Aris Aumentado ang secretary. Personal nga gitunol ni DAR Sec. Estrella ug Gobernador Aris ang maong mga titulo ngadto sa mga Agrarian Reform Beneficiaries(ARB).

Sa Bohol, adunay 595 ka mga titulo ang gipanghatag ngadto sa 491 ka mga Agrarian Reform Beneficiaries gikan sa 18 ka mga munisipalidad sa probinsya nga milangkob og 494.9568 ka ektarya ang natituluhsn pinaagi niini nga programa.

Anaa usab ang Provincial Agrarian Reform Program Officer(PARPO)II, Ronald I. Pumatong, ang Director sa DAR Region VII Leomides R. Villareal ug ang kanhi San Miguel Mayor, nga karon Dar Asec. Atty. Virgilio Mendez.

Sa mensahe ni Sec. Estrella, iyang gipahibalo nga hapit na maaprobahan sa Senado ang New Emancipation Act nga gi file ni Sen. Aimee Marcos ug kung mahimo kini nga balaod,ang gipanghatag karon nga titulo,dili na pagabayaran sa mga benepisyaryo ngadto sa bangko. Iyang pagdugang nga kini ubos usab sa pagtambayayong sa tulo ka kongresista Hon. Chatto, Hon. Vanvan Aumentado ug Hon. Alexie Tutor kay ang mga kongresista ang midepensa niini sa kongreso.

Mahinumduman nga ang mga titulo nga giapod-apod karon, gibayaran na sa gobyerno ngadto sa Landbank ug ang mga ARB magabayad ngadto sa Landbank sa ubos nga kantidad sulod sa daghang mga tuig.

Ang pag apod-apod sa duha ka klase nga titulo, xng E-Title ug CLOA bunga sa "Support to Parcelization of Lands for Individual Titling" (SPLIT)Project.

Si Presidente Bongbong Marcos mipakanaog sa EO No. 4 Series of 2022 Moratorium Pagbayad Sa Mga Mag-uuma Ngadto sa Landbank sa Titulo Nga Nadawat Ubos sa CARP.

Ang DAR Secretary mipasabot nga dili angay ibaligya ang titulo nga ilang nadawat kay aron makatabang kini sa ilang kahimtang. Mipasalig si Secretary nga andam ang Presidente pagtabang sa mga mag-uuma.

Human sa distribution, adunay giturned over nga mga four wheel drive tractors ngadto sa Dagohoy ug Ubay Multipurpose Cooperative.

Adunay scholarship nga gitanyag alang sa mga pamilyang mag-uuma, nga libre hasta zng ilang gamit sa pag eskwela sa TESDA.

Siya nagkanayon "Buhay ng mga magsasaka, aayusin natin."

Nagpasalamat si Gobernador Aris ngadto kang DAR Sec. Estrella, ug sa tibuok DAR family. Nagpasalamat usab ang gobernador sa mga Board Members kauban sa maong kalihukan ug siya midasig sa mga mag-uuma nga ampingan ang hinatag sa gobyerno.