GOV. ARIS NAKIGHIMAMAT SA MGA OPISYALES SA LOON

Ang Loon mao ang katapusang Lungsod nga giadto sa gobernador, sa iyang Meet and Greet ngadto sa 48 ka mga LGUs adlawng Hwebes Enero 19.

Sa maong opisyal nga pagbisita ning maong Lungsod, una niyang gitambongan ang "turnover" sa usa ka bag-ong nahuman nga classroom sa Pig-ot Elementary School. Gipondohan kini sa Kagamhanang Probinsyal og Php1,700,000 ubos sa We Survive as One Bohol Fund.

Presente sa maong turnover, ang Provincial Engineer Camilo Gasatan, si Gov. Aris, Mayor Elvi Peter L. Relampagos, Mr. Mario Garcia nga Public Schools District Supervisor, April Joseph Corciega nga SB Com. on Educ., Jeron Coritico, Punong Brgy., Esterlito Cantones nga School Principal sa Pig-ot Elem. Sch., Felix Bonilla ang PTA Pres., ug Elizabeth Calabria School Property Custodian.

Gipahigayon usab ang oath-taking sa mga bag-ong napili nga mga opisyales sa PTA.

Human niini mederecho si Gobernador Aris sa Loon Town Square, alas tres sa hapon aron sa paghimamat sa mga barangay opisyales ug paghatod ngadto kanila sa mga kaayuhan gikan sa kagamhanang Probinsyal. Iyang gipahibalo ang umaabot niya nga pagpanghatag ug tag P200,000.00 sa tanang barangay sa Loon ug ang P5-M alang sa Lungsod aron makaandam ang mga opisyales sa resolution sa ilang priority project.

Apil sa gipanghatag mao ang Honoraria sa BHW ug BALA, P25,000.00 nga tseke para sa barangay, Tanod Kits, 5 kilos rice, Canned goods ug ang P40,000.00 para sa Federation sa Senior Citizen.

Gitambungan kini sa 67 ka mga kapitanes uban sa ilang treasurer, BALA, BHW Pres., chief tanods, ug Senior Citizen Pres.

Adunay 10 units ka mga FRP Boat 16 ft.(paddle boat), 5 ka units nga fish corral(bunsod), 16 ka bottom set gill nets ug 22 sheets nga plywood ang gipanghatag para sa mga benepisyaryong mananagat.

Apil usab nga gitunol mao ang P250,000.00 para sa brgy. Cantomocad, P5,000.00 sa Sondol, P20,000.00 sa Mocpoc Sur, P60,000.0 sa Genomoan ug P50,000.00 sa Cantomocad para sa ilang mga proyekto.

Sa maong panagtapok nila ni Gov. Aris, presente usab si SP BM Lucille Lagunay, SP BM Aldner Damalerio, SP BM Vinsencio Arcamo, Doc. Cesar Tomas Lopez, EA Nelson Poon ug mga empeyado sa Provincial Government.

Sa Loon-LGU, anaa ang mayor nga si Hon. Elvi Peter L. Relampagos ug ang mga Sangguniang Bayan members nga mao sila si Hon. Ana Lisa Go, Hon. Jeanette Vidal, Hon. Judy Marie Veloso, Hon. Emalinda Veloso ug Hon. April Joseph Corciega.

Sa mensahe ni Gobernador Aris, iyang gihangyo ang tanang mga opisyales nga hikalimtan ang politika sa miaging piniliay ug tutukan ang pagkab-ot sa mga kaayuhan alang sa mga Loonanon. Matod sa gobernador nga pinangga niya ang Loon, ug iyang giawhag ang pagtinabangay kay suportado niya ang maong Lungsod.

Ang Loon, nabantog nga politikanhong teritoryo sa mga Lopez ug Relampagos.