Tungod sa nagsunod-sunod nga heavy rainful warning gikan sa National Disaster Risk Reduction and Management Office (NDRRMC)ug sa critical spilling alert sa National Irrigation Agency Region VII (NIA7) mahitungod sa Malinao Dam, ug sa uban pang bahaunon nga lugar sa Probinsya, niadtong Enero 11, dali nga misubay ang gobernador sa iyang gitugyanang mga ahensya diha sa kapitolyo bahin niini, aron masuta kun unsa kaandam ang pangagamhanan sa posibling lunop o pagdahili sa yuta.
Gipangandaman ang pag-isyu sa mga memo kun ugaling kinahanglanon.
Enero 12, tungod sa walay hunong ug kusog nga ulan, gikanselar ang mga naka-skedyol nga lakaw, apil na ang klase ug trabaho pinaagi sa Memorandum Order Reference No. 2023-003 para sa suspenso sa klase sa publiko ug pribado nga tunghaan ug Reference No. 2023-004,005 ug 006 alang sa naay kalambigitan sa panarbaho ug ang pagpagawas niadtong Enero 11, sa abiso nga kinahanglan sundon ang rekomendasyon sa mga local chief executives kung kinahanglan ang evacuation sa mga apektado nga lugar aron ilikay ang mga residente sa peligro.
Isip maoy chairman sa Provincial Risk Reduction and Management Council, si Gobernador Aris Aumentado, subli nga nagpatawag og miting ni PDRRMO Anthony Damalerio, PSWDO head Mita Tecson, DSWD-SWAD Team Leader Jimmy Crusio, uban ni PA Aster Caberte, COS Atty. Antonio Amora, EA John Maraguinot, Atty. Filipina Piollo, Engr. Caberte, Engr. C.Gasatan, ug uban pang mga hingtungdan aron mahisgutan ang ayuda ngadto sa evacuees. Misuporta usab ang 702 Community Defense Center7 Regional Community Defense Group ARESCOM.
Iyang gipangayuan ang PDRRMO sa report kung pila ka pamilya ang ilang napabakwit, ug ang eksaktong lokasyon aron personal kini niya nga masubay.
Gimando sa gobernador ngadto sa PSWDO ang pag andam og food reliefs diha-diha dayon, sibo sa apektadong mga pamilya, aron masugdan ang pagpanghatag sa foodpacks ug ang personal nga pagsubay sa mga evacuees.
Sa dihang naandam na ang tag 5 ka kilo nga bugas ug walo ka de-lata para sa 146 ka pamilya sa Clarin, 38 sa Inabanga, 74 sa Carmen, 38 sa Loboc, 6 sa Sevilla, 60 sa Pilar, 33 sa Alicia, 25 sa Calape, 10 sa Catigbian, 9 sa Maribojoc, 17 sa Candijay, 14 sa Guindulman ug 19 sa Lila gipanghatag gayod dayon isip suporta ngadto sa LGU nga maoy unang miresponde dayon sa mga bakwit, aron pagsiguro nga dili sila magutman sa ilang pagbiya sa ilang pinuy-anan niadto milabay nga gabii.
Nianang kaudtuhon derecho na si Gov. Aris ug mga kauban ngadto sa lugar ni Mayor Eugenio Ibarra. Unang giadtuan ang Clarin Central Elementary School diin adunay 146 ka pamilya. Gikumusta ni Gov. Aris ang ilang kahimtang ug gihatagan ang tanan sa relief packs. Kasagaran kanila lumulupyo sa Pob. Norte.
Sunod nga giadto ang Bonbon Elem. Sch., mga taga Isla Berde sila ug silang tanan, ang pagsaka sa tubig sa Bonbon Bridge ang ilang gikahadlukan.
Mihapit ang gobernador kang kapitan Carlo Ombajin sa brgy Nahawan aron pagsubay dinha sa mga residente.
Human niini, mipatighulog ang grupo ni GAA ngadto sa Nabuad, Inabanga High School diin didto gisugat siya ni mayor Jono Jumamoy ug mga kaubang opisyales. Gipangumusta sa gobernador ang mga evacuees ug tataw sa ilang mga panagway ang kahinangop pagkakita sa gobernador.
Gipanghatag dayon ang food packs ug miadto na usab si Gov. Aris sa Pamacsalan Bridge. Didto nakita sa gobernador ang dako nga kadaot sa kalsada ug sa mismong taytayan.
Katapusan nga gibisita ni Gob. Aris mao si Mayor Wilson Pajo didto sa munisipyo. Iyang gisubay ang Malinao Dam. Sa dihang nakita niya nga maayo na ang kahimtang sa mga evacuees, nakaginhawa og luag ang gobernador.
/br>Sa mga sitwasyon nga dili kapugngan, gikinahanglan gayod ang pro aktibo nga aksyon aron paglikay sa kadaot. Dili kini dali nga masabtan sa uban. Dili malikayan nga bisan unsa pa kamatinud-anon ang pagserbisyo, aduna gyod pipila nga kalipay ang pagpangbato, apan samtang lunsay ang katuyuan sa pag-alagad, mas determinado hinuon pagproteher sa katawhan nga ilalom sa iyang pag-atiman.
No comments:
Post a Comment