Sa unang pagpangulo ni Gob. Aris Aumentado sa RDC 7 Full Council Meeting nga gipahigayon didto sa Quest Hotel, syudad sa Sugbu, Disyembre 6, adlawng Martes, si Hon. Roel Degamo, ang gobernador sa Negros Oriental, pinaagi sa virtual nga pakigtagbo mipahayag sa iyang pagsupak sa proposed creation of NIR, kini nagatumong sa paghiusa sa Negros Oriental ug Negros Occidental nga pagatawgon ug Negros Island Region o NIR.
“I see no problem with Negros Oriental continuing to be a part of the Central Visayas Region. There is no issue with that,” kini maoy pamahayag ni Degamo. Siya nagkanayon nga daghan ang angay ikonsiderar niini nga mga pros and cons sama pananglitan sa managlahi nga kultura ug lenggwahe sa duha ka probinsya. Problema usab kung asa ipahimutang ang mga opisina sa regional offices sa nagkalain-laing ahensya kun ugaling mahitabo ang NIR.
Ang Negros Occidental anaa mahimutang sa Western Visayas Region o Region 6, kasagaran mga Ilonggo ug Hiligaynon ang sinultihan diin ang capital niini mao ang Bacolod City.
Samtang sa laing bahin, ang Negros Oriental sakop sa Central Visayas Region, kauban ang Cebu, Bohol ug Siquijor nga kasagaran binisaya ang lenggwahe diin ang Dumaguete City mao ang capital niini. Ang Central Visayas Region o Region 7 diin adunay total land area nga 14,923 square kilometers, anaa mahimutang sa sentro nga bahin sa Philippine Archipelago nga gitung-an sa Luzon ug Mindanao. Ang maong rehiyon usa sa mga paborito nga tourist destinations sa mga turista sa nasod.
Bag-o lang naaprobahan ang Senate Bill 1236 diin naga tumbok sa paghiusa sa Negros Oriental ug Negros Occidental ngadto sa usa ka rehiyon isip Negros Island Region (NIR). Kini aprobado sa Senate Committtee on Local Government.
Matod pa ni Gobernador Aris Aumentado isip Chairperson sa RDC 7, ang council wala pa’y baruganan bahin sa NIR. Siya miadmitar nga malisod sa pagkakaron ang pag-aprobar sa NIR gumikan sa pamahayag ni Degamo nga supak siya niini. Kung ang Negros Oriental dili gusto sa NIR, kinsa man kita nga muduso niini nga ang hingtungdan dili man interesado.
Si Hon. Aumentado maoy nangulo sa Fourth Quarter Full Council Meeting ug iyang Co-chairperson si Mr. Kenneth Cobonpue.
No comments:
Post a Comment