Garbo sa probinsya sa Bohol nga niadtong Disyembre 7, 2022 ang kanhi mayor sa Liloan, Cebu ug nga karon Secretary sa Department of Tourism Christina Garcia Frasco mibisita sa mga Bol-anon.
Gisugat ni gobernador Aris Aumentado ang Tourism Chief didto sa Bohol-Panglao International Airport uban ni Bise Gobernador Victor Balite, Provincial Tourism Team, Mayor Roman Bullen, Congresswoman Maria Vanessa Aumentado, BM Tita Baja, PA Aster Caberte ug uban pang mga haligi sa atong probinsya.
Milahos si Sec.Frasco sa Lungsod sa Dauis aron pasiugdahan ang groundbreaking sa usa ka Tourism Project ubos sa mandato sa atong Pangulo His excellency Ferdinand R. Marcos Jr. nga gitawag ug Tourism Rest Area. Ang Tourism Rest Area usa ka pasilidad nga dako og tabang alang sa hamugaway nga pagbyahe sa mga turista dinhe sa Bohol kay aduna kini pasalubong Center, disente nga mga comfort rooms, ug komportable nga lugar kapahuwayan.
Kauban sa DOT Secretary niining TRA Groundbreaking si Gob. Aris Aumentado Mayor Roman Bullen, Vice Mayor Miriam Sumaylo, 1st District Congressman Edgar Chatto ug 2nd District Congresswoman Vanvan Aumentado.
Pagkahuman sa groundbreaking mipatighulog ang grupo ngadto sa Dauis Gymnasium aron sa pagpahigayon sa pagpirmahanay sa Memorandum of Agreement bahin sa Tourism Rest Area.
Apil sa mga milagda niini mao si Sec. Frasco, ang mayor ug bise mayor sa Lungsod sa Dauis, ug ang TIEZA Assistant Chief Operating Officer Gregory Oller. Gisaksihan ang maong aktibidad ni Gobernador Aris Aumentado, Bise Gobernador Victor Balite ug Congressman Edgar Chatto. Anaa usab sa okasyon si Congresswoman Vanvan Aumentado, Tagb. City Mayor, Hon. Jane Yap, BM Tita Baja, BM Lucille Lagunay, ang kanhi DTI undersecretary nga karon Provincial Administrator (PA)Aster Caberte, Provincial Tourism Team, mga membro sa TIEZA, mga mayores ug kapitanes.
Ang TIEZA o Tourism Infrastructure and Enterprise Zone Authority nga gipanguluhan sa Chief Operating Officer Mark Lapid, usa ka ahensya nga nagdumala sa pagpabarug sa TRA. Ang TRA sa Bohol mao ang ika unom nga TRA nga gitukod ning tuiga sa tibuok nasod sukad niadtong Oktubre.
Kauban ni Sec. Frasco sa tibuok kalihukan ang DOT Undersecretary Shahlimar Hofer Tamano, Undersecretary Shereen Gail Yu-Pamintuan, Undersecretary Ferdinand Jumapao ug Assistant Secretary Kristine Chiong-Genogobis.
Miadto usab Si Sec. Frasco sa Panglao kinuyugan sa gobernador aron sa pagsubay sa kahimtang sa operasyon sa Alona Beach, gumikan tumong sa bag-ong administrasyon nga kahatagan gayod sa tanang panahon og dekalidad nga serbisyo ang mga turista apan nga amomahon usab ang atong kalikopan.
Presente sa maong aktibidad si Hon. Mayor Edgardo Arcay ug Hon. Vice Mayor Noel Hormachuelos PA Aster Caberte, Provincial Tourism Officer Josephine Cabarrus ug ang team ni Sec. Frasco.
Kompleto ang pagbisita sa DOT Secretary sa probinsya sa Bohol, gumikan mihimo pa gayod siya sa iyang naandang Listening Tours aron masayran ang matuod nga kahimtang sa turismo sa matag lugar. Paagi kini aron mahitukma ang proyekto nga ipahimutang sa matag Tourism site.
Gitambungan ang Listening Tours sa 15 ka mga aktibong Tourism Stakeholders.
Ang DOT Secretary Christina Garcia Frasco anak sa gobernador sa Cebu,Gwendolyn Garcia. Bag-ohay lang, Disyembre 8, gipasidunggan ang DOT Secretary nga bag-ong Lieutenant Colonel sa Armed Forces of the Philippines Philippine Army, isip reserved military Officer.
Dako ang kalipay ni Gobernador Aris Aumentado nga sa kadaghan sa mga probinsya sa tibuok nasod, apil ang Bohol sa mga sayo nga nakadawat sa mga kaayuhan gikan sa Departamento pagpauswag sa Turismo sa Bohol. Giawhag sa gobernador ang pagtinabangay sa tanan aron mas muuswag ang Turismo ug sa ingon mulambo ang ekonomiya sa probinsya.
No comments:
Post a Comment