Nalipay ang gobernador Erico Aris Aumentado sa paghimamat sa mga lungsuranon sa Sagbayan kay tumong niya nga ipaduol ang Kagamhanang Probinsyal ngadto katawhan. Sa kalihukan, anaa ang mga Barangay Kapitanes, BHW Presidents, Chief Tanods, Federated Senior Citizen presidents, ug Brgy. Treasurers ug BALA.
Gisugat si Gov . Aris ni Hon. Mayor Restituto "Junjun" A. Suarez III, Vice-Mayor Sioney Ybañez, ABC Pres. Capt. Betsy Jumamoy, SK Federated Aileen Pabonita ug tanang Sangguniang Bayan members.
Sa team ni Gob. Aris anaa ang OPSWD, PTO, PHO nga gitugyanan sa BHW, OPV ug LGA uban ni EA Oscar Valles, ug EA Jun Flores.
Gitunol ni Gov. Aris sa mga barangay opisyales ang Provincial Aid nga P25, 000.00 pinaagi sa mga brgy. treasurers, ang allowances sa BHWs, BALA ug ang para sa Senior Citizens Federated nga tabang, apil na ang bugas ug canned goods para sa tanang mitambong sa Sagbayan Meet and Greet karon Enero 9.
Gitunol usab ang Financial Assistance para sa brgy Sta. Cruz kantidad P100,000.00 para sa office equipment and facility.
Sumala sa gobernador daghan pa ang ginaandam nga kaayuhan para sa mga lungsuranon sama sa Bereavement Assistance, Centenarian nga tag P100,000.00 para sa makaabot og usa ka gatus ang edad. Ipaenrol usab sa Philhealth ang tanang mga brgy. opisyales nga dili pa benepisyaryo ug adunay ipanghatag usab nga tag P200,000.00 sa kabarangayan sa umaabot. Tugbang niini aduna usab ginahan-ay nga ihatag P5-milyon para sa lungsod sa ilang proyekto.
Pag-awhag sa gobernador, magtinabangay sa kanunay aron mas paspas ang pag-abante sa Probinsyang Bol-anon.
No comments:
Post a Comment