KALINAW SA BOHOL, PRIORITY NI GOB. ARIS NPA MISURENDER

Taliwala sa makusganon nga kampanya ni Gob. Aris pagpasurender sa mga NPA nga naa sa Bohol, nakabaton og kompyansa sa bag-ong administrasyon ang mga NPA pagbalik sa sabakan sa gobyerno.

Atol sa ikaduhang miting sa Provincial Peace and Order Council(PPOC) sa New Capitol, Tagbilaran City, misurender si Elizar S. Nabas hingkod ang panuigon taga Rizal, Batuan nga kanhi Deputy Sec. sa Bohol Party Komite (NPA-BPK) niadtong Oktubre 27,2022.

(SOURCE-PIA)Si Nabas nga 16 anyos nagsugod pagpakigbisog alang sa ideolohiya sa mga NPA, niadtong 1992, nahimong pangulo sa Semi Legal Front sa mga rebelde diha sa kalungsuran sa Bilar, Batuan, ug Sevilla.

Tuig 2011, gideklara ang Bohol nga Insurgency Free sa dihang didto ang ilang kalihukan sa Negros ug sa Sugbo. Apan paglugak sa nangaging tinugyanan sa pangagamhanan bahin sa kampanya batok sa mga rebelde, tuig 2018, nahibalik ang pagsuroy-suroy sa grupo ni Nabas aron ibalik ang ilang nabungkag nga grupo.

Si Nabas matod pa nga nangulo sa daghang ingkwentro tali sa kanhi 12 Infantry Batallion ug sa 471B human sa 2018.(PIA)

Si Atty. Antonino M. Jumawid mayor sa Batuan, kauban sa EA sa ELCAC nga maoy giduol ni Nabas alang sa iyang desisyon pagsurender, micoordinate sa gobernador alang sa hapsay nga negosasyon pagsurender.

Gipailawm si Nabas sa custodial debriefing pinaagi sa PNP Intelligence Unit ug sa Militar pinaagi sa MICO ug 47th IB. niadtong Septyembre 30, 2022.

Opisyal nga gipahibaw ni Gob. Erico Aristotle C. Aumentado ang pagsurender ni Nabas atol sa PPOC miting.

Matod pa ni Nabas sa interview nga misurender siya tungod ug alang sa iyang mga anak.

Posible nga daghan pa ang mubiya sa pagrebelde sa pangagamhanan tungod sa kinasingkasing nga tumong sa gobernador para sa kalinaw sa Bohol.

Mahinumduman nga tuig 2001, ang kanhi gobernador late ERICO BOYLES AUMENTADO nga amahan sa gobernador karon, makusganon usab sa iyang kampanya pagwagtang sa Insurgency sa Bohol kauban ang iyang tinugyanan nga si Romeo Teruel. Sa iyang administrasyon gideklarar niadtong Pebrero 11, 2010 pinaagi sa iyang pinirmahan nga resolution kauban si Gen. Tabaquero ug Chief Supt. Lanio Nerez, nga direktor sa PNP R7 CV sa gitakda sa National Internal Security Plan, ang Bohol gawasnon na batok sa hulga sa CPP/NPA/NDF.(Source-Dejaresco)

Kauban sa paglambo sa mga Bol-anon karon, ang paningkamot sa Abante Bohol nga administrasyon.